Texts

Help

Select a text:
Bibliography
Select a chapter:
 (no revisions)
Associated topic(s): agniṣṭoma

Show parallels  Show headlines
Use dependency labeler
Chapter id: 17071
  • Click on a sentence to show its analysis
  • Keep the mouse pointer over a lemma to show its meanings.
prācīnakarṇāṃ sahodgātrocchrayaty ud divaṃ stabhānāntarikṣaṃ pṛṇeti // (1) Par.?
prācīnakarṇāṃ sahodgātrā minoti dyutānas tvā māruto minotv iti // (2) Par.?
paryūhaṇaṃ paridṛṃhaṇaṃ pariṣecanam iti yūpe vyākhyātam // (3) Par.?
athāsyā antareṇa karṇau hiraṇyaṃ nidhāyābhijuhoti ghṛtena dyāvāpṛthivī āpṛṇethāṃ svāheti / (4.1) Par.?
āntam anvavasrāvayati // (4.2) Par.?
yajamānamātry audumbarī varṣiṣṭhā sthūṇānāṃ bhavati / (5.1) Par.?
yathāsuṣṭhuparyantāṃ minvanti // (5.2) Par.?
yajamānamātraṃ hrasīyo vā sadaḥ saṃminoti // (6) Par.?
yadi kāmayeta varṣukaḥ parjanyaḥ syād iti nīcaistarāṃ minuyāt / (7.1) Par.?
yadi kāmayetāvarṣukaḥ syād ity uccaistarām / (7.2) Par.?
nābhidaghnaparyantāṃ minvantīti vijñāyate // (7.3) Par.?
aindram asīty ekaikaṃ madhyamāni chadīṃṣy adhinidadhāti // (8) Par.?
indrasya sado 'sīti dakṣiṇāni // (9) Par.?
viśvajanasya chāyety uttarāṇi // (10) Par.?
dakṣiṇāny uttarāṇi karoti // (11) Par.?
audumbarīm abhi saṃmukhāni bhavanti // (12) Par.?
navachady agniṣṭomasya minuyāt / (13.1) Par.?
pañcadaśachady ukthyasya / (13.2) Par.?
saptadaśachady atirātrasya / (13.3) Par.?
navachadi pañcadaśachadi vā ṣoḍaśinaḥ // (13.4) Par.?
navachadi tejaskāmasya minuyād iti kāmyāś chadiḥkalpā brāhmaṇavyākhyātāḥ // (14) Par.?
antarvartān pariśrayaṇaṃ sāṃkāśinaṃ pariṣīvaṇaṃ granthikaraṇam abhimarśanam iti / (15.1) Par.?
etāvan nānā / (15.2) Par.?
aindrā ete mantrā bhavanti // (15.3) Par.?
Duration=0.063090085983276 secs.