Texts

Help

Select a text:
Bibliography
Select a chapter:
 1 revision
Associated topic(s): vānaprastha

Show parallels  Show headlines
Use dependency labeler
Chapter id: 17087
  • Click on a sentence to show its analysis
  • Keep the mouse pointer over a lemma to show its meanings.
agnyāyatane prokṣya khanitvā lekhāḥ ṣaḍ ullikhya suvarṇaśakalaṃ vrīhīṃś ca nidhāya śrāmaṇakāgniṃ nidadhyāt // (1) Par.?
vanyān eva pārthivān vānaspatyān kulīroddhatāñchaṇān purāṇān kuśadarbhān ūrṇāstukāṃ plakṣāgraṃ sugandhitejanaṃ gugguluṃ hiraṇyaśakalān sūryakāntaṃ ca saṃbharati // (2) Par.?
vānaprasthān ṛtvijo vṛtvāgniṃ mathitvā gārhapatyādīṃs tretāgnīn pañcāgnīn vāgnyādheyakrameṇādhāyāhutī dve dve hutvā nityaṃ dvikālaṃ vanyair eva juhoti // (3) Par.?
vanāśramī muniḥ snānaśaucasvādhyāyatapodānejyāpavāsopasthanigrahavratamaunānīti niyamān daśaitān satyānṛśaṃsyārjavakṣamādamaprītiprasādamārdavāhiṃsāmādhuryāṇīti yamān daśāmūṃś ca samācarati // (4) Par.?
bhaktyā viṣṇuṃ dhyāyann agnihotraśrāmaṇakāgnihomau dvikālaṃ notsṛjan grāmyāśanaṃ tyaktvā vanyauṣadhīḥ phalaṃ mūlaṃ śākaṃ vā nityāśanaṃ saṃkalpya tirodhā bhūr ityāhṛtyāparāhṇe svayaṃ patnī vā haviṣyam āsrāvitaṃ pacati // (5) Par.?
vaiśvadevānte 'tithīn abhyāgatān prāśayitvā mitaṃ prāśnāti // (6) Par.?
Duration=0.03481912612915 secs.