Texts

Help

Select a text:
Bibliography

Select a chapter:
(no revisions)

Associated topic(s): agniṣṭoma

Show parallels Show headlines
Use dependency labeler

Chapter id: 17134

Click on a sentence to show its analysis
Keep the mouse pointer over a lemma to show its meanings.

śvātrā stha vṛtratura ity āpyāyyābhimantrayate yat te soma divi jyotir iti // (1) Par.?

adhiṣavaṇaphalake abhimantrayate dhiṣaṇe vīḍū satī vīḍayethām iti // (2) Par.?

upariṣṭād grāvā bhavaty adhastād aṃśavaḥ // (3) Par.?

atha hotṛcamase pradakṣiṇaṃ pariplāvayan nigrābham upaiti prāg apāg udag adharāk tās tvā diśa ādhāvantv amba ni ṣvareti // (4) Par.?

ṣaḍ aṃśūn upayacchati / (5.1) Par.?

ārdrāḥ santo 'saṃśliṣṭā bhavanti // (5.2) Par.?

mā bher mā saṃ vikthā iti grāvāṇam udyamya vadanti // (6) Par.?

yatra tṛṇaṃ mūlaṃ vā paśyati tat pratyabhiṣunoty anāgasas tvā vayam indreṇa preṣitā upa vāyuṣṭe astv aṃśabhūr mitras te astv aṃśabhūr varuṇas te astv aṃśabhūr ahataḥ somo rājā mayeti // (7) Par.?

etayaivāta ūrdhvam abhiṣuṇuyāt // (8) Par.?

aṣṭau kṛtvo 'gre 'bhiṣutya punar eva nigrābham upaiti // (9) Par.?

dvir ādito 'ntato vā / (10.1) Par.?

catur nigrābham upaiti // (10.2) Par.?

trir udacanena saṃbhṛtyodañcatīti vijñāyate // (11) Par.?

apāttānām aṃśūnāṃ dvābhyāṃ pratiprasthātopāṃśupātram apidhāyottarata upayacchati // (12) Par.?

añjalinā rājānam ādāyādhvaryur upāṃśupātraṃ nayati vācaspataye pavasva vājinn iti // (13) Par.?

evaṃ vihitāv aparau dvāv abhiṣavau bhavataḥ // (14) Par.?

api vaikādaśakṛtvo dvitīyam abhiṣuṇuyād dvādaśakṛtvas tṛtīyam // (15) Par.?

Duration=0.058905839920044 secs.