Texts

Help

Select a text:
Bibliography
Select a chapter:
 (no revisions)
Associated topic(s): Etymology, Language, Lexicography

Show parallels  Show headlines
Use dependency labeler
Chapter id: 17347
  • Click on a sentence to show its analysis
  • Keep the mouse pointer over a lemma to show its meanings.
tā vāṃ vāstūny uśmasi gamadhyai yatra gāvo bhūriśṛṅgā ayāsaḥ / (1.1) Par.?
atrāha tad urugāyasya vṛṣṇaḥ paramaṃ padam avabhāti bhūri // (1.2) Par.?
tāni vāṃ vāstūni kāmayāmahe gamanāya yatra gāvo bhūriśṛṅgā bahuśṛṅgāḥ // (2.1) Par.?
bhūrīti bahuno nāmadheyam // (3.1) Par.?
prabhavatīti sataḥ // (4.1) Par.?
śṛṅgaṃ śrayater vā // (5.1) Par.?
śṛṇāter vā // (6.1) Par.?
śamnāter vā // (7.1) Par.?
śaraṇāyodgatam iti vā // (8.1) Par.?
śiraso nirgatam iti vā // (9.1) Par.?
ayāso 'yanāḥ // (10.1) Par.?
tatra tad urugāyasya viṣṇor mahāgateḥ paramaṃ padaṃ parārdhyastham avabhāti bhūri // (11.1) Par.?
pādaḥ padyateḥ // (12.1) Par.?
tannidhānāt padam // (13.1) Par.?
paśupādaprakṛtiḥ prabhāgapādaḥ // (14.1) Par.?
prabhāgapādasāmānyād itarāṇi padāni // (15.1) Par.?
evam anyeṣām api sattvānāṃ saṃdehā vidyante // (16.1) Par.?
tāni cet samānakarmāṇi samānanirvacanāni // (17.1) Par.?
nānākarmāṇi cen nānānirvacanāni // (18.1) Par.?
yathārthaṃ nirvaktavyāni // (19.1) Par.?
itīmāny ekaviṃśatiḥ pṛthivīnāmadheyāny anukrāntāni // (20.1) Par.?
tatra nirṛtir niramaṇāt // (21.1) Par.?
ṛcchateḥ kṛcchrāpattir itarā // (22.1) Par.?
sā pṛthivyā saṃdihyate // (23.1) Par.?
tayor vibhāgaḥ // (24.1) Par.?
tasyā eṣā bhavati // (25.1) Par.?
Duration=0.050359964370728 secs.