Texts

api veti pakṣavyāvṛttiḥ // (1) Par.?

agṛhyamāṇakāraṇā evaṃjātīyakāḥ pramāṇam // (2) Par.?

nanu kramakālau virundhanti // (3) Par.?

virudhnantu // (4) Par.?

naiṣa doṣaḥ // (5) Par.?

ācamanaṃ padārthaḥ padārthānāṃ ca guṇaḥ kramaḥ // (6) Par.?

na ca guṇānurodhena padārtho na kartavyo bhavati // (7) Par.?

api ca prāptānāṃ padārthānām uttarakālaṃ krama āpatati // (8) Par.?

yadā padārthaḥ prāpnoti tadā krama eva nāsti kena saha virodho bhaviṣyatīti // (9) Par.?

tathā yadi dakṣiṇena nācaryate kālo mā virodhīd iti tatra kālānurodhena padārtho nānyathātvam abhyupagacchet // (10) Par.?

prayogāṅgaṃ hi kālaḥ padārthānām upakārakaḥ // (11) Par.?

ato na kālānurodhena vyathayitavyaḥ padārthaḥ // (12) Par.?

api ca śaucaṃ dakṣiṇācāratā yajñopavītitvaṃ caivaṃjātīyakā arthā vyavadhātāro na bhavanti // (13) Par.?

sarvapadārthānāṃ śeṣabhūtatvāt // (14) Par.?

tasmād ācamanādīnāṃ prāmāṇyam // (15) Par.?