Texts

dakṣiṇasya havirdhānasya puro'kṣaṃ catvāra uparavā bhavanty avāntaradeśeṣu prādeśamukhāḥ prādeśāntarālā bāhumātrāḥ saṃtṛṇṇā adhastād vidhṛtā upariṣṭāt // (1) Par.?

abhrer ādānaṃ parilekhanaṃ ca yūpe vyākhyātam // (2) Par.?

pūrvayor dakṣiṇaṃ parilikhyāparayor uttaraṃ parilikhaty aparayor dakṣiṇaṃ pūrvayoruttaram // (3) Par.?

evam anupūrvāṇy eṣāṃ karmāṇi kriyante // (4) Par.?

rakṣohaṇo valagahano vaiṣṇavān khanāmīti khanati // (5) Par.?

rakṣohaṇo valagahano vaiṣṇavān niṣkhidāmīti niṣkhidati // (6) Par.?

bṛhann asīty abhriṃ praharati // (7) Par.?

virāḍ asīti bāhum upāvaharati bāhū vā // (8) Par.?

idam ahaṃ taṃ valagam udvapāmīti pāṃsūn udvapati // (9) Par.?

idam enam adharaṃ karomīty uparavabile 'vabādhate // (10) Par.?

nirasto valaga iti harati // (11) Par.?

avabāḍho durasyur iti yatra kharaṃ kariṣyan bhavati tasmin deśe nivapati // (12) Par.?

evam itareṣu // (13) Par.?

uttareṇottareṇa mantreṇa bāhum upāvaharaty uttareṇottareṇa ca chandasā nigṛhṇāti // (14) Par.?

gāyatraṃ traiṣṭubhaṃ jāgatam ānuṣṭubham ity āmnātāni chandāṃsi // (15) Par.?

virāḍ asīti pūrvayor dakṣiṇaṃ yajamāno 'vamṛśati samrāḍ asīty aparayor uttaram adhvaryuḥ // (16) Par.?

saṃmṛśa imān āyuṣe varcase ca devānāṃ nidhir asi dveṣoyavano yuyodhy asmad dveṣāṃsi yāni kāni cakṛma devānām idaṃ nihitaṃ yad asty athābhāhi pradiśaś catasraḥ kṛṇvāno anyāṁ adharān sapatnān ity adhastāt saṃmṛśataḥ // (17) Par.?

kim atrety adhvaryuḥ pṛcchati bhadram iti yajamānaḥ pratyāha tan nau sahety adhvaryuḥ // (18) Par.?

svarāḍ asīty aparayor dakṣiṇaṃ yajamāno 'vamṛśati viśvārāḍ asīti pūrvayor uttaram adhvaryuḥ // (19) Par.?

saṃmṛśato yathā purastāt // (20) Par.?

kim atreti yajamānaḥ pṛcchati bhadram ity adhvaryuḥ pratyāha tan ma iti yajamānaḥ // (21) Par.?

rakṣohaṇo valagahanaḥ prokṣāmi vaiṣṇavān iti // (22) Par.?