Texts

Help

Select a text:
Bibliography

Select a chapter:
(no revisions)

Associated topic(s): agniṣṭoma

Show parallels Show headlines
Use dependency labeler

Chapter id: 17717

Click on a sentence to show its analysis
Keep the mouse pointer over a lemma to show its meanings.

agnīṣomābhyāṃ praṇīyamānābhyām anubrūhīti saṃpreṣyati praṇīyamānābhyām anubrūhīti vā // (1) Par.?

trir anūktāyām ayaṃ no agnir ity agniprathamāḥ somaprathamā vā prāñco gacchanti // (2) Par.?

yathārtham anunayanti // (3) Par.?

anugacchanty amātyāḥ // (4) Par.?

anunayanty agnīṣomīyam // (5) Par.?

āgnīdhrīya etam agniṃ pratiṣṭhāpyāgne nayeti nayavatyarcāgnīdhre juhoti // (6) Par.?

śeṣam ājyasya karoti // (7) Par.?

nidadhati grāvṇo vāyavyāni droṇakalaśaṃ camasāṃś ca // (8) Par.?

atiharantītarāṇi // (9) Par.?

uttareṇāgnīdhrīyaṃ dhiṣṇiyaṃ parītyoru viṣṇo vikramasvety auttaravedike juhoti // (10) Par.?

yathetam amātyāḥ pratigacchanti // (11) Par.?

somo jigāti gātuvid iti saumyarcāpareṇa dvāreṇa havirdhāne brahmā rājānaṃ prapādayati // (12) Par.?

pūrveṇa gataśriyaḥ // (13) Par.?

urv antarikṣam anvemīti pūrveṇādhvaryuḥ praviśyādityāḥ sado 'sīti dakṣiṇasya havirdhānasya nīḍe kṛṣṇājinaṃ prācīnagrīvam uttaralomāstṛṇāti // (14) Par.?

prattaṃ rājānam adityāḥ sada āsīdeti tasminn āsādayati // (15) Par.?

prokṣaṇīr abhimantrya brahmāṇam āmantryedhmaṃ vediṃ ca prokṣya prokṣaṇyavaśeṣaṃ ninīya pavitre apisṛjyāpareṇottaravediṃ mantreṇa barhiḥ stṛṇāti yathā darśapūrṇamāsayoḥ // (16) Par.?

sanneṣv ājyeṣu yūpasaṃmānena pratipadyate // (17) Par.?

agnīṣomīyaṃ paśum upākaroti // (18) Par.?

Duration=0.044999837875366 secs.