Texts

Help

Select a text:
Bibliography
Select a chapter:
 (no revisions)
Associated topic(s): Kashmirian Shivaism

Show parallels  Show headlines
Use dependency labeler
Chapter id: 333
  • Click on a sentence to show its analysis
  • Keep the mouse pointer over a lemma to show its meanings.
yo 'yam uktaḥ svasaṃvitter udyamo bhairavātmakaḥ / (1.1) Par.?
asyāsti mahatī śaktir atikrāntakramākramā // (1.2) Par.?
niḥśeṣanijacicchakticakrākramaṇalampaṭā / (2.1) Par.?
riktāriktobhayākārāpy anetadrūpiṇī parā // (2.2) Par.?
yayaiva svātmacidbhittau prameyollāsanāditaḥ / (3.1) Par.?
parapramātṛviśrāntiparyantaspandarūpayā // (3.2) Par.?
sṛṣṭisthitilayānākhyābhāsaśaktiprasāraṇāt / (4.1) Par.?
prapañcaviṣayaṃ cañcatpañcakṛtyaṃ prapañcitam // (4.2) Par.?
tayā prasāritasyāsya śakticakrasya yat punaḥ / (5.1) Par.?
saṃdhānam āntarāmnāyāmnātakramavimarśanam // (5.2) Par.?
tasmin saty asya viśvasya kālāgnyādikalāvadheḥ / (6.1) Par.?
saṃhāraḥ syāt svasaṃvittivahnisadbhāvalakṣaṇaḥ // (6.2) Par.?
evaṃ svasaṃvitkālāgnipluṣṭabhedasya yoginaḥ / (7.1) Par.?
na syāt samādhivyutthānabhedaḥ ko 'pīti kathyate // (7.2) Par.?
jāgratsvapnasuṣuptabhede turyābhogasambhavaḥ / (8.1) Par.?
udyamo bhairava iti proktarūpaṃ sphuradvapuḥ // (8.2) Par.?
turyaṃ nāma paraṃ dhāma tadābhogaś camatkriyā / (9.1) Par.?
bhede 'pi jāgradādīnāṃ yoginas tasya sambhavaḥ // (9.2) Par.?
anusyūtiḥ parānandarūpā syād iti śiṣyate / (10.1) Par.?
jāgradāditrayaṃ sūtratrayeṇa lakṣyate kramāt // (10.2) Par.?
Duration=0.058428049087524 secs.