Texts

Help

Select a text:
Bibliography
Select a chapter:
 (no revisions)
Associated topic(s): nāḍīvijñāna

Show parallels  Show headlines
Use dependency labeler
Chapter id: 3462
  • Click on a sentence to show its analysis
  • Keep the mouse pointer over a lemma to show its meanings.
tataśca tatpratipakṣa karasyāṅguṣṭhamūle yā dhamanī jīvasākṣiṇī / (1.1) Par.?
tacceṣṭayā sukhaṃ duḥkhaṃ jñeyaṃ kāyasya paṇḍitaiḥ // (1.2) Par.?
nāḍī dhatte marutkope jalaukāsarpayorgatim / (2.1) Par.?
kuliṅgakākamaṇḍūkagatiṃ pittasya kopataḥ // (2.2) Par.?
haṃsapārāvatagatiṃ dhatte śleṣmaprakopataḥ / (3.1) Par.?
lāvatittiravartīnāṃ gamanaṃ saṃnipātataḥ // (3.2) Par.?
kadācin mandagamanā kadācidvegavāhinī / (4.1) Par.?
dvidoṣakopato jñeyā hanti ca sthānavicyutā // (4.2) Par.?
sthitvā sthitvā calati yā sā smṛtā prāṇanāśinī / (5.1) Par.?
atikṣīṇā ca śītā ca jīvitaṃ hantyasaṃśayam // (5.2) Par.?
jvarakopeṇa dhamanī soṣṇā vegavatī bhavet / (6.1) Par.?
kāmakrodhādvegavahā kṣīṇā cintābhayaplutā // (6.2) Par.?
mandāgneḥ kṣīṇadhātośca nāḍī mandatarā bhavet / (7.1) Par.?
asṛkpūrṇā bhavetkoṣṇā gurvī sāmā garīyasī // (7.2) Par.?
laghvī vahati dīptāgnestathā vegavatī matā / (8.1) Par.?
sukhitasya sthirā jñeyā tathā balavatī smṛtā // (8.2) Par.?
capalā kṣudhitasyāpi tṛptasya vahati sthirā / (9.1) Par.?
Duration=0.071585178375244 secs.