Texts

Help

Select a text:
Bibliography
Select a chapter:
 (no revisions)
Associated topic(s): Buddhism

Show parallels  Show headlines
Use dependency labeler
Chapter id: 3665
  • Click on a sentence to show its analysis
  • Keep the mouse pointer over a lemma to show its meanings.
tan mṛṣā moṣadharma yad bhagavān ity abhāṣata / (1.1) Par.?
sarve ca moṣadharmāṇaḥ saṃskārās tena te mṛṣā // (1.2) Par.?
tan mṛṣā moṣadharma yad yadi kiṃ tatra muṣyate / (2.1) Par.?
etat tūktaṃ bhagavatā śūnyatāparidīpakam // (2.2) Par.?
bhāvānāṃ niḥsvabhāvatvam anyathābhāvadarśanāt / (3.1) Par.?
nāsvabhāvaś ca bhāvo 'sti bhāvānāṃ śūnyatā yataḥ // (3.2) Par.?
kasya syād anyathābhāvaḥ svabhāvaś cen na vidyate / (4.1) Par.?
kasya syād anyathābhāvaḥ svabhāvo yadi vidyate // (4.2) Par.?
tasyaiva nānyathābhāvo nāpy anyasyaiva yujyate / (5.1) Par.?
yuvā na jīryate yasmād yasmāj jīrṇo na jīryate // (5.2) Par.?
tasya ced anyathābhāvaḥ kṣīram eva bhaved dadhi / (6.1) Par.?
kṣīrād anyasya kasyacid dadhibhāvo bhaviṣyati // (6.2) Par.?
yady aśūnyaṃ bhavet kiṃcit syāc chūnyam iti kiṃcana / (7.1) Par.?
na kiṃcid asty aśūnyaṃ ca kutaḥ śūnyaṃ bhaviṣyati // (7.2) Par.?
śūnyatā sarvadṛṣṭīnāṃ proktā niḥsaraṇaṃ jinaiḥ / (8.1) Par.?
yeṣāṃ tu śūnyatādṛṣṭis tān asādhyān babhāṣire // (8.2) Par.?
Duration=0.028306007385254 secs.