Texts

Help

Select a text:
Bibliography
Select a chapter:
 (no revisions)
Associated topic(s): Buddhism

Show parallels  Show headlines
Use dependency labeler
Chapter id: 3666
  • Click on a sentence to show its analysis
  • Keep the mouse pointer over a lemma to show its meanings.
draṣṭavyaṃ darśanaṃ draṣṭā trīṇy etāni dviśo dviśaḥ / (1.1) Par.?
sarvaśaś ca na saṃsargam anyonyena vrajanty uta // (1.2) Par.?
evaṃ rāgaś ca raktaś ca rañjanīyaṃ ca dṛśyatām / (2.1) Par.?
traidhena śeṣāḥ kleśāś ca śeṣāṇy āyatanāni ca // (2.2) Par.?
anyenānyasya saṃsargas tac cānyatvaṃ na vidyate / (3.1) Par.?
draṣṭavyaprabhṛtīnāṃ yan na saṃsargaṃ vrajanty ataḥ // (3.2) Par.?
na ca kevalam anyatvaṃ draṣṭavyāder na vidyate / (4.1) Par.?
kasyacit kenacit sārdhaṃ nānyatvam upapadyate // (4.2) Par.?
anyad anyat pratītyānyan nānyad anyad ṛte 'nyataḥ / (5.1) Par.?
yat pratītya ca yat tasmāt tad anyan nopapadyate // (5.2) Par.?
yady anyad anyad anyasmād anyasmād apy ṛte bhavet / (6.1) Par.?
tad anyad anyad anyasmād ṛte nāsti ca nāsty ataḥ // (6.2) Par.?
nānyasmin vidyate 'nyatvam ananyasmin na vidyate / (7.1) Par.?
avidyamāne cānyatve nāsty anyad vā tad eva vā // (7.2) Par.?
na tena tasya saṃsargo nānyenānyasya yujyate / (8.1) Par.?
saṃsṛjyamānaṃ saṃsṛṣṭaṃ saṃsraṣṭā ca na vidyate // (8.2) Par.?
Duration=0.039437055587769 secs.