Texts

Help

Select a text:
Bibliography
Select a chapter:
 1 revision
Associated topic(s): prāṇa etc.

Show parallels  Show headlines
Use dependency labeler
Chapter id: 9556
  • Click on a sentence to show its analysis
  • Keep the mouse pointer over a lemma to show its meanings.
athāto niḥśreyasādānam // (1) Par.?
etā ha vai devatā ahaṃśreyase vivadamānā asmāccharīrād uccakramuḥ // (2) Par.?
taddha papāta śuṣkaṃ dārubhūtaṃ śiśye // (3) Par.?
athainad vāk praviveśa // (4) Par.?
tad vācā vadacchiśya eva // (5) Par.?
athainaccakṣuḥ praviveśa // (6) Par.?
tad vācā vadaccakṣuṣā paśyacchiśya eva // (7) Par.?
athainacchrotraṃ praviveśa // (8) Par.?
tad vācā vadaccakṣuṣā paśyacchrotreṇa śṛṇvacchiśya eva // (9) Par.?
athainan manaḥ praviveśa // (10) Par.?
tad vācā vadaccakṣuṣā paśyacchrotreṇa śṛṇvan manasā dhyāyacchiśya eva // (11) Par.?
athainat prāṇaḥ praviveśa // (12) Par.?
tat tata eva samuttasthau // (13) Par.?
tā vā etāḥ sarvā devatāḥ prāṇe niḥśreyasaṃ viditvā prāṇam eva prajñātmānam abhisaṃbhūya sahaivaitaiḥ sarvair asmāccharīrād uccakramuḥ // (14) Par.?
te vāyupratiṣṭhā ākāśātmānaḥ svar īyuḥ // (15) Par.?
tatho evaivaṃ vidvān prāṇe niḥśreyasaṃ viditvā prāṇam eva prajñātmānam abhisaṃbhūya sahaivaitaiḥ sarvair asmāccharīrād utkrāmati // (16) Par.?
sa vāyupratiṣṭha ākāśātmā svar eti // (17) Par.?
sa tad gacchati yatraite devāḥ // (18) Par.?
tat prāpya yad amṛtā devāḥ tad amṛto bhavati ya evaṃ veda // (19) Par.?
Duration=0.15801978111267 secs.