Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 1724
  • Click on a sentence to show its analysis
  • Keep the mouse pointer over a lemma to show its meanings.
asyaiva durabhigamatvād udāharaṇāni bahūnyāha kaṭuka ityādinā // (1) Par.?
tadvaditi citrakasamānaguṇā // (2) Par.?
viṣaghnamuktam iti tasmāddaṃṣṭrāviṣaṃ maulam ityādinā // (3) Par.?
ūrdhvānulomikamiti yugapad ubhayabhāgaharaṃ kiṃvā ūrdhvaharaṃ tathānulomaharaṃ ca // (4) Par.?
karma yadvividhātmakamiti viṣaharaṇaśūlaharaṇādi // (5) Par.?
etaccodāharaṇamātraṃ tena jīvanamedhyādidravyasya rasādyacintyaṃ sarvaṃ prabhāva iti jñeyam // (6) Par.?
prabhāvaśceha dravyaśaktir abhipretā sā ca dravyāṇāṃ sāmānyaviśeṣaḥ dantītvādiyuktā vyaktireva yataḥ śaktirhi svarūpameva bhāvānāṃ nātiriktaṃ kiṃciddharmāntaram evaṃ pradeśāntaroktaguṇaprabhāvādiṣvapi vācyam yathoktaṃ dravyāṇi hi dravyaprabhāvādguṇaprabhāvām ityādi // (7) Par.?
na ca vācyaṃ dantyādiḥ svarūpata eva virecayati tena kimiti jalādyupahatā dantī na virecayatīti pratibandhakābhāvaviśiṣṭasyaiva prabhāvasya kāraṇatvāt jalopahatāyāṃ dantyāṃ jalopaghātaḥ pratibandhaka ityādyanusaraṇīyam // (8) Par.?
naiyāyikaśaktivāde yā ca viṣasya viṣaghnatve upapattir uktā ūrdhvādhogāmitvavirodhalakṣaṇā sāntarbhāgatvāt prabhāvād eva bhavati // (9) Par.?
evam ūrdhvānulomikatvādau pārthivatvādikathane 'pi vācyam // (10) Par.?
Duration=0.044180154800415 secs.