Texts

kathyante somadevena sāmprataṃ darśino rasāḥ / (1.1) Par.?

śrīkaṇṭhāgamanirdiṣṭā viśiṣṭā rasasādhane // (1.2) Par.?

jalotpalasamaṅgā ca rasā ca jalapippalī / (2.1) Par.?

sthalaprasāriṇī ciñcī jālinī jalamūlakā // (2.2) Par.?

candrodakārdhacandrā ca jalāpāmārgatiktakā / (3.1) Par.?

tuṣāmbu kākamācī ca jalakumbhī tathā śaṭī // (3.2) Par.?

uttamā hemapuṣpī ca durgandhā sitagandhinī / (4.1) Par.?

māṇḍūkī mohinī māṃsī pāṣāṇī cātha śīśikā // (4.2) Par.?

sārivālambuṣā meghanādī ca śukanāsikā / (5.1) Par.?

potakī hīriṇī vajrakandikā cāparājitā // (5.2) Par.?

vanamālā vidārī ca kukkuṭā halinīśvarī / (6.1) Par.?

vārāhī bṛhatī mūrvā sarpākṣī sadacitrikā // (6.2) Par.?

mālārjunaśca gojihvā garuḍī haṃsapādikā / (7.1) Par.?

nandinī śikhipādī ca kāśmarī tulasī tathā // (7.2) Par.?

vanakūṣmāṇḍavallī ca vṛścikālī ca veṇukā / (8.1) Par.?

muśalī citrapādī ca karmasphoṭī tathā viṣā // (8.2) Par.?

ajamārī pāṭalā ca paṭolī dhanvayāsakaḥ / (9.1) Par.?

bhārṅgī viṣaghnī guḍūcī vāsā bhṛṅgī ca pāgavaḥ // (9.2) Par.?

aṣṭaṣaṣṭiriti proktā rasauṣadhyo mahābalāḥ / (10.1) Par.?

bandhane māraṇe tadvajjāraṇe ca niyāmane / (10.2) Par.?

bandhādāne ca sūtasya sarvadoṣāpakarmaṇi // (10.3) Par.?

vindhyādrau himaparvate ca malaye gomantake śrīgirau sahyādrāvatha pāriyātrakagirau kiṣkindhanāmālaye / (11.1) Par.?

māhendre'pyatha mālyavatkṣitidhare tadrūpanāmādhikaṃ gopābhīrakasiddhavaidyamukhato vaidyaiḥ samāvedyatām // (11.2) Par.?