Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 3143
  • Click on a sentence to show its analysis
  • Keep the mouse pointer over a lemma to show its meanings.
nākāśaṃ vidyate kiṃcit pūrvam ākāśalakṣaṇāt / (1.1) Par.?
alakṣaṇaṃ prasajyeta syāt pūrvaṃ yadi lakṣaṇāt // (1.2) Par.?
alakṣaṇo na kaścic ca bhāvaḥ saṃvidyate kvacit / (2.1) Par.?
asatyalakṣaṇe bhāve kramatāṃ kuha lakṣaṇam // (2.2) Par.?
nālakṣaṇe lakṣaṇasya pravṛttir na salakṣaṇe / (3.1) Par.?
salakṣaṇālakṣaṇābhyāṃ nāpyanyatra pravartate // (3.2) Par.?
lakṣaṇāsaṃpravṛttau ca na lakṣyam upapadyate / (4.1) Par.?
lakṣyasyānupapattau ca lakṣaṇasyāpyasaṃbhavaḥ // (4.2) Par.?
tasmānna vidyate lakṣyaṃ lakṣaṇaṃ naiva vidyate / (5.1) Par.?
lakṣyalakṣaṇanirmukto naiva bhāvo 'pi vidyate // (5.2) Par.?
avidyamāne bhāve ca kasyābhāvo bhaviṣyati / (6.1) Par.?
bhāvābhāvavidharmā ca bhāvābhāvāvavaiti kaḥ // (6.2) Par.?
tasmānna bhāvo nābhāvo na lakṣyaṃ nāpi lakṣaṇam / (7.1) Par.?
ākāśam ākāśasamā dhātavaḥ pañca ye 'pare // (7.2) Par.?
astitvaṃ ye tu paśyanti nāstitvaṃ cālpabuddhayaḥ / (8.1) Par.?
bhāvānāṃ te na paśyanti draṣṭavyopaśamaṃ śivam // (8.2) Par.?
Duration=0.067111015319824 secs.