Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 3157
  • Click on a sentence to show its analysis
  • Keep the mouse pointer over a lemma to show its meanings.
sadbhūtaḥ kārakaḥ karma sadbhūtaṃ na karotyayam / (1.1) Par.?
kārako nāpyasadbhūtaḥ karmāsadbhūtam īhate // (1.2) Par.?
sadbhūtasya kriyā nāsti karma ca syād akartṛkam / (2.1) Par.?
sadbhūtasya kriyā nāsti kartā ca syād akarmakaḥ // (2.2) Par.?
karoti yadyasadbhūto 'sadbhūtaṃ karma kārakaḥ / (3.1) Par.?
ahetukaṃ bhavet karma kartā cāhetuko bhavet // (3.2) Par.?
hetāvasati kāryaṃ ca kāraṇaṃ ca na vidyate / (4.1) Par.?
tadabhāve kriyā kartā kāraṇaṃ ca na vidyate // (4.2) Par.?
dharmādharmau na vidyete kriyādīnām asaṃbhave / (5.1) Par.?
dharme cāsatyadharme ca phalaṃ tajjaṃ na vidyate // (5.2) Par.?
phale 'sati na mokṣāya na svargāyopapadyate / (6.1) Par.?
mārgaḥ sarvakriyāṇāṃ ca nairarthakyaṃ prasajyate // (6.2) Par.?
kārakaḥ sadasadbhūtaḥ sadasat kurute na tat / (7.1) Par.?
parasparaviruddhaṃ hi saccāsaccaikataḥ kutaḥ // (7.2) Par.?
satā ca kriyate nāsan nāsatā kriyate ca sat / (8.1) Par.?
kartrā sarve prasajyante doṣāstatra ta eva hi // (8.2) Par.?
nāsadbhūtaṃ na sadbhūtaḥ sadasadbhūtam eva vā / (9.1) Par.?
karoti kārakaḥ karma pūrvoktair eva hetubhiḥ // (9.2) Par.?
nāsadbhūto 'pi sadbhūtaṃ sadasadbhūtam eva vā / (10.1) Par.?
karoti kārakaḥ karma pūrvoktair eva hetubhiḥ // (10.2) Par.?
karoti sadasadbhūto na sannāsacca kārakaḥ / (11.1) Par.?
karma tat tu vijānīyāt pūrvoktair eva hetubhiḥ // (11.2) Par.?
pratītya kārakaḥ karma taṃ pratītya ca kārakam / (12.1) Par.?
karma pravartate nānyat paśyāmaḥ siddhikāraṇam // (12.2) Par.?
evaṃ vidyād upādānaṃ vyutsargād iti karmaṇaḥ / (13.1) Par.?
kartuśca karmakartṛbhyāṃ śeṣān bhāvān vibhāvayet // (13.2) Par.?
Duration=0.11707091331482 secs.