Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 5776
  • Click on a sentence to show its analysis
  • Keep the mouse pointer over a lemma to show its meanings.
ṣaḍvarga
vidyā vinayahetur indriyajayaḥ kāmakrodhalobhamānamadaharṣatyāgāt kāryaḥ // (1.1) Par.?
karṇatvagakṣijihvāghrāṇendriyāṇāṃ śabdasparśarūparasagandheṣvavipratipattir indriyajayaḥ śāstrānuṣṭhānaṃ vā // (2.1) Par.?
kṛtsnaṃ hi śāstram idam indriyajayaḥ // (3.1) Par.?
tadviruddhavṛttir avaśyendriyaś cāturanto api rājā sadyo vinaśyati // (4.1) Par.?
yathā dāṇḍakyo nāma bhojaḥ kāmād brāhmaṇakanyām abhimanyamānaḥ sabandhurāṣṭro vinanāśa karālaśca vaidehaḥ // (5.1) Par.?
kopājjanamejayo brāhmaṇeṣu vikrāntaḥ tālajaṅghaśca bhṛguṣu // (6.1) Par.?
lobhād ailaścāturvarṇyam atyāhārayamāṇaḥ sauvīraścājabinduḥ / (7.1) Par.?
mānād rāvaṇaḥ paradārān aprayacchan duryodhano rājyād aṃśaṃ ca // (7.2) Par.?
madād dambhodbhavo bhūtāvamānī haihayaścārjunaḥ // (8.1) Par.?
harṣād vātāpir agastyam atyāsādayan vṛṣṇisaṃghaśca dvaipāyanam iti // (9.1) Par.?
ete cānye ca bahavaḥ śatruṣaḍvargam āśritāḥ / (10.1) Par.?
sabandhurāṣṭrā rājāno vineśur ajitendriyāḥ // (10.2) Par.?
śatruṣaḍvargam utsṛjya jāmadagnyo jitendriyaḥ / (11.1) Par.?
ambarīṣaśca nābhāgo bubhujāte ciraṃ mahīm // (11.2) Par.?
Duration=0.04011607170105 secs.