Texts

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 7304

Click on a sentence to show its analysis
Keep the mouse pointer over a lemma to show its meanings.

Appointment of counsellors and chaplain

jānapado 'bhijātaḥ svavagrahaḥ kṛtaśilpaścakṣuṣmān prājño dhārayiṣṇur dakṣo vāgmī pragalbhaḥ pratipattimān utsāhaprabhāvayuktaḥ kleśasahaḥ śucir maitro dṛḍhabhaktiḥ śīlabalārogyasattvayuktaḥ stambhacāpalahīnaḥ sampriyo vairāṇām akartetyamātyasampat // (1.1) Par.?

ataḥ pādārdhaguṇahīnau madhyamāvarau // (2.1) Par.?

teṣāṃ janapadabhijanam avagrahaṃ cāptataḥ parīkṣeta samānavidyebhyaḥ śilpaṃ śāstracakṣuṣmattāṃ ca karmārambheṣu prajñāṃ dhārayiṣṇutāṃ dākṣyaṃ ca kathāyogeṣu vāgmitvaṃ prāgalbhyaṃ pratibhānavattvaṃ ca saṃvāsibhyaḥ śīlabalārogyasattvayogam astambham acāpalaṃ ca pratyakṣataḥ sampriyatvam avairatvaṃ ca // (3.1) Par.?

pratyakṣaparokṣānumeyā hi rājavṛttiḥ // (4.1) Par.?

svayaṃ dṛṣṭaṃ pratyakṣam // (5.1) Par.?

paropadiṣṭaṃ parokṣam // (6.1) Par.?

karmasu kṛtenākṛtāvekṣaṇam anumeyam // (7.1) Par.?

yaugapadyāt tu karmaṇām anekatvād anekasthatvācca deśakālātyayo mā bhūd iti parokṣam amātyaiḥ kārayedityamātyakarma // (8.1) Par.?

purohitam uditoditakulaśīlaṃ sāṅge vede daive nimitte daṇḍanītyāṃ cābhivinītam āpadāṃ daivamānuṣīṇām atharvabhir upāyaiśca pratikartāraṃ kurvīta // (9.1) Par.?

tam ācāryaṃ śiṣyaḥ pitaraṃ putro bhṛtyaḥ svāminam iva cānuvarteta // (10.1) Par.?

brāhmaṇenaidhitaṃ kṣatraṃ mantrimantrābhimantritam / (11.1) Par.?

jayatyajitam atyantaṃ śāstrānugamaśastritam // (11.2) Par.?

Duration=0.048899173736572 secs.