Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 7260

Click on a sentence to show its analysis
Keep the mouse pointer over a lemma to show its meanings.

skandhāvāraprayāṇam balavyasanāvaskandakālarakṣaṇam

grāmāraṇyānām adhvani niveśān yavasendhanodakavaśena parisaṃkhyāya sthānāsanagamanakālaṃ ca yātrāṃ yāyāt // (1.1) Par.?

tatpratīkāradviguṇaṃ bhaktopakaraṇaṃ vāhayet // (2.1) Par.?

aśakto vā sainyeṣvāyojayet antareṣu vā nicinuyāt // (3.1) Par.?

purastān nāyakaḥ madhye kalatraṃ svāmī ca pārśvayor aśvā bāhūtsāraḥ cakrānteṣu hastinaḥ prasāravṛddhir vā paścāt senāpatir yāyānniviśeta // (4.1) Par.?

sarvato vanājīvaḥ prasāraḥ // (5.1) Par.?

svadeśād anvāyatir vīvadhaḥ // (6.1) Par.?

mitrabalam āsāraḥ // (7.1) Par.?

kalatrasthānam apasāraḥ // (8.1) Par.?

purastād abhyāghāte makareṇa yāyāt paścācchakaṭena pārśvayor vajreṇa samantataḥ sarvatobhadreṇa ekāyane sūcyā // (9.1) Par.?

pathidvaidhībhāve svabhūmito yāyāt // (10.1) Par.?

abhūmiṣṭhānāṃ hi svabhūmiṣṭhā yuddhe pratilomā bhavanti // (11.1) Par.?

yojanam adhamā adhyardhaṃ madhyamā dviyojanam uttamā sambhāvyā vā gatiḥ // (12.1) Par.?

āśrayakārī sampannaghātī pārṣṇir āsāro madhyama udāsīno vā pratikartavyaḥ saṃkaṭo mārgaḥ śodhayitavyaḥ kośo daṇḍo mitrāmitrāṭavībalaṃ viṣṭir ṛtur vā pratīkṣyāḥ kṛtadurgakarmanicayarakṣākṣayaḥ krītabalanirvedo mitrabalanirvedaś cāgamiṣyati upajapitāro vā nātitvarayanti śatrur abhiprāyaṃ vā pūrayiṣyati iti śanair yāyāt viparyaye śīghram // (13.1) Par.?

hastistambhasaṃkramasetubandhanaukāṣṭhaveṇusaṃghātair alābucarmakaraṇḍadṛtiplavagaṇḍikāveṇikābhiś codakāni tārayet // (14.1) Par.?

tīrthābhigrahe hastyaśvair anyato rātrāv uttārya sattraṃ gṛhṇīyāt // (15.1) Par.?

anudake cakricatuṣpadaṃ cādhvapramāṇena śaktyodakaṃ vāhayet // (16.1) Par.?

dīrghakāntāram anudakaṃ yavasendhanodakahīnaṃ vā kṛcchrādhvānam abhiyogapraskannaṃ kṣutpipāsādhvaklāntaṃ paṅkatoyagambhīrāṇāṃ vā nadīdarīśailānām udyānāpayāne vyāsaktam ekāyanamārge śailaviṣame saṃkaṭe vā bahulībhūtaṃ niveśe prasthite visamnāhaṃ bhojanavyāsaktam āyatagatapariśrāntam avasuptaṃ vyādhimarakadurbhikṣapīḍitaṃ vyādhitapattyaśvadvipam abhūmiṣṭhaṃ vā balavyasaneṣu vā svasainyaṃ rakṣet parasainyaṃ cābhihanyāt // (17.1) Par.?

ekāyanamārgaprayātasya senāniścāragrāsāhāraśayyāprastārāgninidhānadhvajāyudhasaṃkhyānena parabalajñānam // (18.1) Par.?

tadātmāno gūhayet // (19.1) Par.?

pārvataṃ vanadurgaṃ vā sāpasārapratigraham / (20.1) Par.?

svabhumau pṛṣṭhataḥ kṛtvā yudhyeta niviśeta ca // (20.2) Par.?

Duration=0.089659929275513 secs.