Texts

nūnaṃ sā te prati varaṃ jaritre duhīyad indra dakṣiṇā maghonī / (1.1) Par.?

śikṣā stotṛbhyo māti dhagbhago no bṛhad vadema vidathe suvīrāḥ // (1.2) Par.?

sā te pratidugdhāṃ varaṃ janitre // (2) Par.?

varo varayitavyo bhavati // (3) Par.?

jaritā garitā // (4) Par.?

dakṣiṇā maghonī maghavatī // (5) Par.?

magham iti dhananāmadheyam // (6) Par.?

maṃhater dānakarmaṇaḥ // (7) Par.?

dakṣiṇā dakṣateḥ samardhayatikarmaṇaḥ // (8) Par.?

vyṛddhaṃ samardhayatīti // (9) Par.?

api vā pradakṣiṇāgamanāt // (10) Par.?

diśam abhipretya // (11) Par.?

digghastaprakṛtir dakṣiṇo hastaḥ // (12) Par.?

dakṣater utsāhakarmaṇaḥ // (13) Par.?

dāśater vā syāddānakarmaṇaḥ // (14) Par.?

hasto hanteḥ // (15) Par.?

prāśur hanane // (16) Par.?

dehi stotṛbhyaḥ kāmān // (17) Par.?

māsmān atidaṃhīḥ // (18) Par.?

māsmān atihāya dāḥ // (19) Par.?

bhago no 'stu // (20) Par.?

bṛhad vadema sve vedane // (21) Par.?

bhago bhajateḥ // (22) Par.?

bṛhad iti mahato nāmadheyam // (23) Par.?

parivṛḍhaṃ bhavati // (24) Par.?

vīravantaḥ kalyāṇavīrā vā // (25) Par.?

vīro vīrayatyamitrān // (26) Par.?

veter vā syād gatikarmaṇo vīrayater vā // (27) Par.?

sīm iti parigrahārthīyo vā padapūraṇo vā // (28) Par.?

pra sīm ādityo asṛjat // (29) Par.?

prāsṛjad iti vā // (30) Par.?

prāsṛjat sarvata iti vā // (31) Par.?

vi sīm ataḥ suruco vena āvaḥ / (32.1) Par.?

iti ca // (32.2) Par.?

vyavṛṇot sarvata ādityaḥ // (33) Par.?

suruca ādityaraśmayaḥ // (34) Par.?

surocanāt // (35) Par.?

api vā sīmetyetad anarthakam upabandham ādadīta pañcamīkarmāṇam // (36) Par.?

sīmnaḥ sīmataḥ sīmāto maryādātaḥ // (37) Par.?

sīmā maryādā // (38) Par.?

viṣīvyati deśāviti // (39) Par.?

tva iti vinigrahārthīyam // (40) Par.?

sarvanāmānudāttam // (41) Par.?

ardhanāma ityeke // (42) Par.?