Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 8920
  • Click on a sentence to show its analysis
  • Keep the mouse pointer over a lemma to show its meanings.
navāntarāyāścittasya vikṣepāḥ sahaite cittavṛttibhir bhavanti / (1.1) Par.?
eteṣām abhāve na bhavanti pūrvoktāś cittavṛttayaḥ / (1.2) Par.?
tatra vyādhir dhāturasakaraṇavaiṣamyam / (1.3) Par.?
styānam akarmaṇyatā cittasya / (1.4) Par.?
saṃśayaḥ ubhayakoṭispṛgvijñānaṃ syād idam evaṃ naivaṃ syād iti / (1.5) Par.?
pramādaḥ samādhisādhanānām abhāvanam / (1.6) Par.?
ālasyaṃ kāyasya cittasya ca gurutvād apravṛttiḥ / (1.7) Par.?
aviratiścittasya viṣayasaṃprayogātmā gardhaḥ / (1.8) Par.?
bhrāntidarśanaṃ viparyayajñānam / (1.9) Par.?
alabdhabhūmikatvaṃ samādhibhūmer alābhaḥ / (1.10) Par.?
anavasthitatvaṃ labdhāyāṃ bhūmau cittasyāpratiṣṭhā / (1.11) Par.?
samādhipratilambhe hi sati tadavasthitaṃ syād iti / (1.12) Par.?
ete cittavikṣepā nava yogamalā yogapratipakṣā yogāntarāyā ity abhidhīyante // (1.13) Par.?
Duration=0.059402942657471 secs.