Texts

Help

Select a text:
Bibliography
Select a chapter:
 1 revision
Show parallels  Show headlines
Use dependency labeler
Chapter id: 9613
  • Click on a sentence to show its analysis
  • Keep the mouse pointer over a lemma to show its meanings.
prāṇo vaṃśa iti ha smāha sthaviraḥ śākalyaḥ // (1) Par.?
tadu yathā śālāvaṃśe sarve 'nye vaṃśāḥ samāhitāḥ syur evam evaitasmin prāṇe sarva ātmā samāhitaḥ // (2) Par.?
tasyaitasyātmanaḥ prāṇa ūṣmarūpam asthīni sparśarūpaṃ majjānaḥ svararūpaṃ māṃsaṃ lohitam ityetaccaturtham akṣararūpam iti // (3) Par.?
trayaṃ tveva na etat proktam iti ha smāha hrasvo māṇḍūkeyaḥ // (4) Par.?
tasyaitasya trayasya trīṇītaḥ ṣaṣṭiśatāni bhavanti saṃdhīnāṃ trīṇītas tāni saptaviṃśatiśatāni bhavanti // (5) Par.?
sapta vai viṃśatiśatāni saṃvatsarasyāhorātrāṇām // (6) Par.?
tat saṃvatsarasyāhorātrāṇy āpnoti // (7) Par.?
sa eṣa saṃvatsarasaṃmānaś cakṣurmayaḥ śrotramayaś chandomayo manomayo vāṅmaya ātmā // (8) Par.?
sa ya evam etaṃ saṃvatsarasaṃmānaṃ cakṣurmayaṃ śrotramayaṃ chandomayaṃ manomayaṃ vāṅmayam ātmānaṃ veda saṃvatsarasya sāyujyaṃ salokatāṃ sarūpatāṃ sabhakṣatām aśnute // (9) Par.?
putrī paśumān bhavati sarvam āyur etyasyāruṇikeyo devayāṃcakre // (10) Par.?
Duration=0.031938076019287 secs.