Texts

Help

Select a text:
Bibliography
Select a chapter:
 (no revisions)
Associated topic(s): Aśvins

Show parallels  Show headlines
Use dependency labeler
Chapter id: 10910
  • Click on a sentence to show its analysis
  • Keep the mouse pointer over a lemma to show its meanings.
ā vāṃ ratho rodasī badbadhāno hiraṇyayo vṛṣabhir yātv aśvaiḥ / (1.1) Par.?
ghṛtavartaniḥ pavibhī rucāna iṣāṃ voﾱhā nṛpatir vājinīvān // (1.2) Par.?
sa paprathāno abhi pañca bhūmā trivandhuro manasā yātu yuktaḥ / (2.1) Par.?
viśo yena gacchatho devayantīḥ kutrā cid yāmam aśvinā dadhānā // (2.2) Par.?
svaśvā yaśasā yātam arvāg dasrā nidhim madhumantam pibāthaḥ / (3.1) Par.?
vi vāṃ ratho vadhvā yādamāno 'ntān divo bādhate vartanibhyām // (3.2) Par.?
yuvoḥ śriyam pari yoṣāvṛṇīta sūro duhitā paritakmyāyām / (4.1) Par.?
yad devayantam avathaḥ śacībhiḥ pari ghraṃsam omanā vāṃ vayo gāt // (4.2) Par.?
yo ha sya vāṃ rathirā vasta usrā ratho yujānaḥ pariyāti vartiḥ / (5.1) Par.?
tena naḥ śaṃ yor uṣaso vyuṣṭau ny aśvinā vahataṃ yajñe asmin // (5.2) Par.?
narā gaureva vidyutaṃ tṛṣāṇāsmākam adya savanopa yātam / (6.1) Par.?
purutrā hi vām matibhir havante mā vām anye ni yaman devayantaḥ // (6.2) Par.?
yuvam bhujyum avaviddhaṃ samudra ud ūhathur arṇaso asridhānaiḥ / (7.1) Par.?
patatribhir aśramair avyathibhir daṃsanābhir aśvinā pārayantā // (7.2) Par.?
nū me havam ā śṛṇutaṃ yuvānā yāsiṣṭaṃ vartir aśvināv irāvat / (8.1) Par.?
dhattaṃ ratnāni jarataṃ ca sūrīn yūyam pāta svastibhiḥ sadā naḥ // (8.2) Par.?
Duration=0.034044981002808 secs.