Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): Agni
Show parallels Show headlines
Use dependency labeler
Chapter id: 11291
- Click on a sentence to show its analysis
- Keep the mouse pointer over a lemma to show its meanings.
yukṣvā hi devahūtamāṁ aśvāṁ agne rathīr iva / (1.1) Par.?
ni hotā pūrvyaḥ sadaḥ // (1.2) Par.?
uta no deva devāṁ acchā voco viduṣṭaraḥ / (2.1) Par.?
śrad viśvā vāryā kṛdhi // (2.2) Par.?
tvaṃ ha yad yaviṣṭhya sahasaḥ sūnav āhuta / (3.1) Par.?
ṛtāvā yajñiyo bhuvaḥ // (3.2) Par.?
ayam agniḥ sahasriṇo vājasya śatinas patiḥ / (4.1) Par.?
mūrdhā kavī rayīṇām // (4.2) Par.?
taṃ nemim ṛbhavo yathā namasva sahūtibhiḥ / (5.1) Par.?
nedīyo yajñam aṅgiraḥ // (5.2) Par.?
tasmai nūnam abhidyave vācā virūpa nityayā / (6.1) Par.?
vṛṣṇe codasva suṣṭutim // (6.2) Par.?
kam u ṣvid asya senayāgner apākacakṣasaḥ / (7.1) Par.?
paṇiṃ goṣu starāmahe // (7.2) Par.?
mā no devānāṃ viśaḥ prasnātīr ivosrāḥ / (8.1) Par.?
kṛśaṃ na hāsur aghnyāḥ // (8.2) Par.?
mā naḥ samasya dūḍhyaḥ paridveṣaso aṃhatiḥ / (9.1) Par.?
ūrmir na nāvam ā vadhīt // (9.2) Par.?
namas te agna ojase gṛṇanti deva kṛṣṭayaḥ / (10.1) Par.?
amair amitram ardaya // (10.2) Par.?
kuvit su no gaviṣṭaye 'gne saṃveṣiṣo rayim / (11.1) Par.?
urukṛd uru ṇas kṛdhi // (11.2) Par.?
mā no asmin mahādhane parā varg bhārabhṛd yathā / (12.1) Par.?
saṃvargaṃ saṃ rayiṃ jaya // (12.2) Par.?
anyam asmad bhiyā iyam agne siṣaktu ducchunā / (13.1) Par.?
vardhā no amavacchavaḥ // (13.2) Par.?
yasyājuṣan namasvinaḥ śamīm adurmakhasya vā / (14.1) Par.?
taṃ ghed agnir vṛdhāvati // (14.2) Par.?
parasyā adhi saṃvato 'varāṁ abhy ā tara / (15.1) Par.?
yatrāham asmi tāṁ ava // (15.2) Par.?
vidmā hi te purā vayam agne pitur yathāvasaḥ / (16.1) Par.?
adhā te sumnam īmahe // (16.2) Par.?
Duration=0.15500688552856 secs.