Texts

Select a text:
Bibliography

Select a chapter:
(no revisions)

Associated topic(s): agniṣṭoma

Show parallels Show headlines
Use dependency labeler

Chapter id: 16228

Click on a sentence to show its analysis
Keep the mouse pointer over a lemma to show its meanings.

tad u ha smāheyapiḥ saumāpaḥ sa vādya yajeta sa vānyaṃ yājayed yo yathā mahati tīrthe 'sikate gā asaṃbādhamānāḥ saṃtarpayed evaṃ sarvā devatā anusavanaṃ chandassv akṣaram akṣaram anv asaṃbādhamānāḥ saṃtṛpyantīr vidyād iti // (1) Par.?

aṣṭākṣarā gāyatrī // (2) Par.?

aṣṭau vasavaḥ // (3) Par.?

vasūnāṃ gāyatraṃ prātassavanam // (4) Par.?

tat te prātassavane chandassv akṣaram akṣaram anv asambādhamānāḥ saṃtṛpyanti // (5) Par.?

ekādaśākṣarā triṣṭup // (6) Par.?

ekādaśa rudrāḥ // (7) Par.?

rudrāṇāṃ traiṣṭubhaṃ mādhyaṃdinaṃ savanam // (8) Par.?

tat te mādhyaṃdine savane chandassv akṣaram akṣaram anv asambādhamānāḥ saṃtṛpyanti // (9) Par.?

dvādaśākṣarā jagatī // (10) Par.?

dvādaśādityāḥ // (11) Par.?

ādityānāṃ jāgataṃ tṛtīyasavanam // (12) Par.?

tat te tṛtīyasavane chandassv akṣaramakṣaram anv asambādhamānāḥ saṃtṛpyanti // (13) Par.?

sa ya evam etā devānāṃ tṛptīr veda tṛpyaty ātmanā tṛpyaty asya prajā // (14) Par.?

Duration=0.027067899703979 secs.