Texts

tvaṣṭā me daivyaṃ vacaḥ parjanyo brahmaṇaspatiḥ / (1.1) Par.?

putrair bhrātṛbhir aditir nu pātu no duṣṭaraṃ trāmaṇe śavaḥ // (1.2) Par.?

aṃśo bhago varuṇo mitro aryamāditiḥ pātv aṃhasaḥ / (2.1) Par.?

apa tasya dveṣo gamed abhihruto yāvayāc chatrum antitam // (2.2) Par.?

deva tvaṣṭar vardhaya sarvatātaye dhiye sam u śriye prāvatān naḥ / (3.1) Par.?

uruṣyā ṇa urutaraḥ prayucchan dyauṣ pitar yāvaya ducchunām itaḥ // (3.2) Par.?

ye no vacobhir uta daṃsanābhis tanvaṃ soma paritāpayante / (4.1) Par.?

nīcais tān vṛśca na yathā virukṣan mā te dṛśan sūryam uccarantam // (4.2) Par.?

tvayeṣvā tvayā soma dhanvanā tvayā muṣṭighnā śāśadmahe vayam / (5.1) Par.?

tvaṃ tān vṛśca ya idaṃ na ādṛśā karan hanāma daṇḍair uta daṃsanābhiḥ // (5.2) Par.?

padena tān padavyo nayantu vadhair enān pitaro daṃsayantu / (6.1) Par.?

yathā na jīvāt katamaś canaiṣām // (6.2) Par.?

yena somāditiḥ pathā mitrā vā yanty adruhaḥ / (7.1) Par.?

tenā no 'vitā bhuvaḥ // (7.2) Par.?

yo naḥ soma suśaṃsino duḥśaṃso abhidāsati / (8.1) Par.?

vajreṇāsya mukhe jahi sa sampiṣṭo apāyati // (8.2) Par.?

yo naḥ somābhidāsati sanābhir yaś ca niṣṭyaḥ / (9.1) Par.?

ava tasya balaṃ tira mahīva dyaur vadha tmanā // (9.2) Par.?

punar agham aghakṛtam etu devāḥ punar ena enaskṛtaṃ vijānat / (10.1) Par.?

punaḥ putraḥ pitaram etu vidvān hatām uta yad asya svam asti // (10.2) Par.?

yena cāsau śapati yena cainaṃ śapāmasi / (11.1) Par.?

ubhau saṃbṛhya tau tasmād antikād dhetim asyatām // (11.2) Par.?

ye pārthivāsaḥ śapathā ya urāv antarikṣe / (12.1) Par.?

ye vātasya prabharmaṇi tebhiṣ ṭaṃ vartayāmasi yo 'smān dveṣṭi yaṃ vayam // (12.2) Par.?

ye asmān parisāsṛpuḥ kulīpayāni bibhrataḥ / (13.1) Par.?

ud devās teṣāṃ vṛścata mūlam urvārvo yathā // (13.2) Par.?

yad devā aghadhā agham anyasminn āsisaṅkṣati / (14.1) Par.?

bhāro aghasya duḥsahaḥ pratyak kartāram ṛcchatu // (14.2) Par.?

punar evāghadhām aghaṃ nimnam ivaitur arṣatu / (15.1) Par.?

ādityā duryā māhiṣā mahī sindhor ivāvaniḥ // (15.2) Par.?