Texts

dyauś ca mā pṛthivī ca pracetasau śukro bṛhan dakṣiṇā mā pipartu / (1.1) Par.?

anu svadhā cikitāṃ somo agnir vāyur mā pātu savitā bhagaś ca // (1.2) Par.?

punar manaḥ punar āyur na āgan punaś cakṣuḥ punar ākūtir āgan / (2.1) Par.?

vaiśvānaro no adabdhas tanūpā antas tiṣṭhāti duritād avadyāt // (2.2) Par.?

saṃ varcasā payasā saṃ tanūbhir aganmahi manasā saṃ śivena / (3.1) Par.?

tvaṣṭā sudatro varivaḥ kṛṇotv anu nas tāṣṭu tanvo viriṣṭam // (3.2) Par.?

idaṃ tad yuja uttaraṃ yenendraṃ śumbhāny aṣṭaye / (4.1) Par.?

asya kṣatraṃ śriyaṃ mahīṃ vṛṣṭir iva vardhayā tṛṇam // (4.2) Par.?

asya kṣatram agnīṣomāv asya vardhayataṃ rayim / (5.1) Par.?

imaṃ rāṣṭrasyābhīvarge kṛṇutaṃ yuja uttaram // (5.2) Par.?

sabandhuś cāsabandhuś ca yo jāto yaś ca niṣṭyaḥ / (6.1) Par.?

yajamānāya sunvate sarvaṃ taṃ rīradhāsi naḥ // (6.2) Par.?

yaśo bṛhad vardhatām indrajūtaṃ sahasrabhṛṣṭi sukṛtaṃ sahasvat / (7.1) Par.?

prasarsrāṇam anu dīrghāya jīvase haviṣmantaṃ vardhaya sarvatātaye // (7.2) Par.?

yaśā indro yaśā agnir yaśāḥ somo ajāyata / (8.1) Par.?

yaśā viśvasya bhūtasyāham asmi yaśastamaḥ // (8.2) Par.?

vayaṃ te agne yaśaso yaśobhir yaśasvino haviṣainā vidhema / (9.1) Par.?

sa no dhehi rāṣṭram indrajūtaṃ tava trātre adhivāke syāma // (9.2) Par.?

ava jyām iva dhanvano manyuṃ tanomi te hṛdaḥ / (10.1) Par.?

adhā saṃmanasau bhūtvā sakhikeva sacāvahai // (10.2) Par.?

vi te manyuṃ nayāmasi sakhikeva sacāvahai / (11.1) Par.?

adhas te aśmanā manyuṃ guruṇābhi ni dadhmasi // (11.2) Par.?

abhi tiṣṭhāmi te manyuṃ pārṣṇibhyāṃ prapadābhyām / (12.1) Par.?

parā te daṇḍyaṃ vadhaṃ parā manyuṃ suvāmi te // (12.2) Par.?

hiraṇyayaḥ panthā āsīd aritrāṇi hiraṇyayā / (13.1) Par.?

nāvo hiraṇyayīr āsan yābhiḥ kuṣṭhaṃ nirāvahan // (13.2) Par.?

suparṇasuvane girau jātaṃ himavatas pari / (14.1) Par.?

dhanair abhi śrutaṃ yanti kuṣṭho hi takmanāśanaḥ // (14.2) Par.?

yo giriṣu jāyase vīrudhāṃ balavattamaḥ / (15.1) Par.?

kuṣṭhehi takmanāśana takmānaṃ nāśayann itaḥ // (15.2) Par.?