Texts

Select a text:
Bibliography

Select a chapter:
1 revision
Show parallels Show headlines
Use dependency labeler

Chapter id: 17527

Sūkta 1

agniś ca deva savitar iṣam ūrjaṃ dadhānau / (1.1) Par.?

pātaṃ mā duścaritād ā mā sucarite bhajataṃ yuvayor avasā sumnam aśīya // (1.2) Par.?

idaṃ tad upa yuva idaṃ tad upa hvaye yac chuśrumā tvat pari / (2.1) Par.?

vācaspatir ni yacchatu mayy evāstu mama śrutam // (2.2) Par.?

māpatyāya steyaṃ karaṃ mā śrutena vi rādhiṣi / (3.1) Par.?

amogham asmākaṃ śrāntam agne draviṇavat kṛdhi // (3.2) Par.?

Sūkta 2

madhyameṣṭhā varcasvaty āyuṣe varcase kṛtam / (4.1) Par.?

vanuṣva viśvadeveṣu vanuṣva tvaṃ bṛhaspatau // (4.2) Par.?

ghṛtena prajāṃ vanute ghṛtena rayim aśnute / (5.1) Par.?

ghṛtenāyuṣyaṃ varcasyaṃ devebhyo vanute pari // (5.2) Par.?

parjanyapippalās tubhyaṃ nadyo garbhaṃ svastaye / (6.1) Par.?

maryādā brahmadevīr āyuṣyaṃ varca āsican // (6.2) Par.?

Sūkta 3

yathā hastī hastinyāḥ padena padam anvagāt / (7.1) Par.?

evā tvam aghnye vatsasya padena padam anv ihi // (7.2) Par.?

yathā rathasya cakre vi pathaḥ pāṃsum asyathaḥ / (8.1) Par.?

evā mano vy asyāmi hṛdayaṃ vananāya kam // (8.2) Par.?

indrasya prathamaṃ vaco devānām aparaṃ vacaḥ / (9.1) Par.?

tṛtīyam aśvinor vacas tena gāṃ vānayāmasi // (9.2) Par.?

Sūkta 4

ud itaḥ śyāvau vithurau divaṃ gṛdhrāv iveyathuḥ / (10.1) Par.?

śocanāv abhiśocanāv asyocchocanau hṛdaḥ // (10.2) Par.?

śocayābhi śocayā dīpayopa dīpaya / (11.1) Par.?

aher agne viṣaṃ tvaṃ tṛṇam iva kalvalaṃ daha // (11.2) Par.?

sīdataṃ niṣattārāv avetaṃ mod gatam / (12.1) Par.?

kṛṣṇā vāṃ gauḥ sārasvatī // (12.2) Par.?

Sūkta 5

yathā rātrī kṛṣṇatamā gauḥ kṛṣṇā kṛṣṇavartaniḥ / (13.1) Par.?

śācīḥpyavo yathā rūpam evedaṃ māmakaṃ śiraḥ // (13.2) Par.?

yathāṅgāro abhiṣikto darvidāko yathāsitaḥ / (14.1) Par.?

anuṣyandasya kalmaṣam evedaṃ māmakaṃ śiraḥ // (14.2) Par.?

yathā dāvād dahyamānāt kṛṣṇo jvālo 'padhvaṃsate / (15.1) Par.?

naiṣādasya yathā mukham evedaṃ māmakaṃ śiraḥ // (15.2) Par.?

Duration=0.07037878036499 secs.