Texts

agnī rakṣohā tigmas tigmaśṛṅgo hantu rakṣo nudatām arātim / (1.1) Par.?

apāghaśaṃsam asyatu // (1.2) Par.?

ā ta etu parāvato balam ojo divas pari / (2.1) Par.?

ā giribhyaḥ parvatebhya āyuṣ ṭe viśvato dadhat // (2.2) Par.?

punas te 'suṃ pṛthivī dadātu punar dyaur devī punar antarikṣam / (3.1) Par.?

punas te somas tanvaṃ dadhātu punaḥ pūṣā pathyāṃ yā svastiḥ // (3.2) Par.?

kaṣkiṣāḥ kaṣapiṣā yevāṣā yeṣāḥ / (4.1) Par.?

iṣṭargava iṣayantaḥ saikatāḥ pāṃsavāḥ // (4.2) Par.?

adṛṣṭān na dṛṣṭān / (5.1) Par.?

dṛṣṭāṁ adṛṣṭān dhanapate jahīndrasya vadhena // (5.2) Par.?

etāś ca viśvarūpāś ca gṛdhrāḥ kokāś ca te hatāḥ // (6.1) Par.?

kāme kāmayasva mā pratīcī prati mā bhava / (7.1) Par.?

mām anu pra te mano vatsā pākeva dhāvatu // (7.2) Par.?

abhīle abhimādany asau mām abhi mādyatu / (8.1) Par.?

vidma patatriṇyā vayam iṣuke nāmakaṃ tava // (8.2) Par.?

ahaṃ te mana ā dade mano manomuṣir yathā / (9.1) Par.?

mayi te mana āhitaṃ ratha iva rathavāhane // (9.2) Par.?

ud asau sūryo agān mahyam avatunā saha / (10.1) Par.?

ahaṃ viśāṃ purohito madhuhasto madhujihvo mayi vāg astu dharṇasī // (10.2) Par.?

ahaṃ viśyena ketunā sam akhye mānuṣeṣv ā / (11.1) Par.?

asmākam astu kevalaṃ bṛhad yaśo adhi viśveṣu rājasu // (11.2) Par.?

svādoś cin mā svādīyāṃsaṃ madhoś cin madhumattaram / (12.1) Par.?

priyāc cit sakhyur antaram ādityāsaḥ kṛṇota mā // (12.2) Par.?

agne brahma tvaṃ brahmāsi viddhi tvaṃ prāsmabhyaṃ brūhi / (13.1) Par.?

yadīdaṃ tathā bhaviṣyasi yadi vā nāthaitasya haviṣo vīhi svāhā // (13.2) Par.?

vi pṛcche dyāvāpṛthivī vīndraṃ vi bṛhaspatim / (14.1) Par.?

vi devān yajñiyān pṛcche vy asuṃ jīvanāya kam // (14.2) Par.?

vijñānāyodyatā prasthitā srug iyaṃ yama rājan havir idaṃ juṣasva / (15.1) Par.?

agatāsor haviṣo mādayasva nirṛtiṃ gacchatu yad gatāsoḥ // (15.2) Par.?