Texts

atīmām akhyaṃ pṛthivīm ati dyām ati sūryam / (1.1) Par.?

ati viśvam idaṃ bhūtam aty akhyaṃ yātudhānyaḥ // (1.2) Par.?

darśaya mā yātudhānān darśaya yātudhānyaḥ / (2.1) Par.?

aghāyūn sarvān darśayeti tvauṣadha ā rabhe // (2.2) Par.?

evā sahasracakṣo tvaṃ prati paśyāsy āyataḥ / (3.1) Par.?

saho 'si yātudhānajambhanam // (3.2) Par.?

imāḥ pāre pṛdākvas triṣaptā nirjarāyavaḥ / (4.1) Par.?

tāsāṃ jarāyuṇā vayam akṣyāv api vyayāmasy aghāyoḥ paripanthinaḥ // (4.2) Par.?

viṣūcy etu kṛntatī pinākam iva bibhratī / (5.1) Par.?

viṣvak punarbhuvā mano asamṛddhā aghāyavaḥ // (5.2) Par.?

apetaḥ paripanthino 'po aghāyur arṣatu / (6.1) Par.?

na bahavaḥ saṃ śaknavan nārbhakā abhi dhṛṣṇavan // (6.2) Par.?

pretaṃ pādau pra sphurataṃ vahataṃ pṛṇato gṛham / (7.1) Par.?

indrāṇy etu prathamājītāmuṣitā pathā // (7.2) Par.?

āyam agan phālgumaṇir balena baladāḥ saha / (8.1) Par.?

yenendro dasyūnāṃ vīrāṁ asurāṇām avātirat // (8.2) Par.?

varcasā māṃ payasokṣantu devā varcasā dyāvāpṛthivī ubhe / (9.1) Par.?

varco me devaḥ savitā dadhātu varco vipraḥ kaśyapo me dadhātu // (9.2) Par.?

varco ma āpo dadhatu varco me vīrudho dadhan / (10.1) Par.?

bhūtāni sarvā saṃgatya varca ā dhur mukhe mama // (10.2) Par.?

yāḥ purastād vitiṣṭhante gāvaḥ pravrājinīr iva / (11.1) Par.?

vātīkṛtasya bheṣajīḥ pippalīḥ pārayiṣṇavaḥ // (11.2) Par.?

rudrasya mūtram asy amṛtasya nābhiḥ / (12.1) Par.?

pṛthivyāṃ mūlaṃ niṣṭhitam asi viṣāṇā nāma vātīkṛtabheṣajī // (12.2) Par.?

śaṃ te astu matasnābhyāṃ śaṃ yakne śaṃ talīdyai / (13.1) Par.?

śaṃ te pṛṣṭibhyo majjabhyaḥ śam astu tanve tava // (13.2) Par.?

nahi te agne tanvaḥ krūram ānaṃśa martyam / (14.1) Par.?

kapir babhasti tejanaṃ svaṃ jarāyu gaur iva // (14.2) Par.?

tveṣa iva saṃ ca vi ca roravaṇyate yad uttaradrā uparasya khādati / (15.1) Par.?

śīrṣṇā śiro apsasāpso ardayann aṃśūn babhasti haritebhir āśubhiḥ // (15.2) Par.?

suparṇā vācam akratopa dyavy ākhare kṛṣṇā iṣirā anartiṣuḥ / (16.1) Par.?

ni yan niyanty uparasya niṣkṛtiṃ purū reto dadhire sūryasyutaḥ // (16.2) Par.?