Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 5844

Click on a sentence to show its analysis
Keep the mouse pointer over a lemma to show its meanings.

athāto yonivyāpaccikitsitaṃ vyākhyāsyāmaḥ // (1.1) Par.?

iti ha smāha bhagavānātreyaḥ // (2.1) Par.?

divyatīrhtauṣadhimataścitradhātuśilāvataḥ / (3.1) Par.?

puṇye himavataḥ pārśve surasiddharṣisevite // (3.2) Par.?

viharantaṃ tapoyogāttattvajñānārhtadarśinam / (4.1) Par.?

punarvasuṃ jitātmānamagniveśo 'nu pṛṣṭavān // (4.2) Par.?

bhagavan yadapatyānāṃ mūlaṃ nāryaḥ paraṃ nṛṇām / (5.1) Par.?

taddhighāto gadaiścāsāṃ kriyate yonimāśritaiḥ // (5.2) Par.?

tasmātteṣāṃ samutpattimutpannānāṃ ca lakṣaṇam / (6.1) Par.?

sauṣadhaṃ śrotumicchāmi prajānugrahakāmyayā // (6.2) Par.?

iti śiṣyeṇa pṛṣṭastu provācarṣivaro 'trijaḥ / (7.1) Par.?

viṃśatirvyāpado yonernirdiṣṭā rogasaṃgrahe // (7.2) Par.?

mithyācāreṇa tāḥ strīṇāṃ praduṣṭenārtavena ca / (8.1) Par.?

jāyante bījadoṣācca daivācca śṛṇu tāḥ pṛthak // (8.2) Par.?

vātalāhāraceṣṭāyā vātalāyāḥ samīraṇaḥ / (9.1) Par.?

vivṛddho yonimāśritya yonestodaṃ savedanam // (9.2) Par.?

stambhaṃ pipīlikāsṛptimiva karkaśatāṃ tathā / (10.1) Par.?

karoti suptimāyāsaṃ vātajāṃścāparān gadān // (10.2) Par.?

sā syāt saśabdarukphenatanurūkṣārtavānilāt / (11.1) Par.?

vyāpatkaṭvamlalavaṇakṣārādyaiḥ pittajā bhavet // (11.2) Par.?

dāhapākajvaroṣṇārtā nīlapītāsitārtavā / (12.1) Par.?

bhṛśoṣṇakuṇapasrāvā yoniḥ syātpittadūṣitā // (12.2) Par.?

kapho 'bhiṣyandibhirvṛddho yoniṃ ceddūṣayet striyāḥ / (13.1) Par.?

sa kuryāt picchilāṃ śītāṃ kaṇḍugrastālpavedanām // (13.2) Par.?

pāṇḍuvarṇāṃ tathā pāṇḍupicchilārtavavāhinīm / (14.1) Par.?

samaśnantyā rasān sarvāndūṣayitvā trayo malāḥ // (14.2) Par.?

yonigarbhāśayasthāḥ svairyoniṃ yuñjanti lakṣaṇaiḥ / (15.1) Par.?

sā bhaveddāhaśūlārtā śvetapicchilavāhinī // (15.2) Par.?

raktapittakarairnāryā raktaṃ pittena dūṣitam / (16.1) Par.?

atipravartate yonyāṃ labdhe garbhe 'pi *sāsṛjā // (16.2) Par.?

yonigarbhāśayasthaṃ cet pittaṃ saṃdūṣayedasṛk / (17.1) Par.?

sārajaskā matā kārśyavaivarṇyajananī bhṛśam // (17.2) Par.?

yonyāmadhāvanāt kaṇḍūṃ jātāḥ kurvanti jantavaḥ / (18.1) Par.?

sā syādacaraṇā kaṇḍvā tayātinarakāṅkṣiṇī // (18.2) Par.?

pavano 'tivyavāyena śophasuptirujaḥ striyāḥ / (19.1) Par.?

karoti kupito yonau sā cāticaraṇā matā // (19.2) Par.?

maithunādatibālāyāḥ pṛṣṭhakaṭyūruvaṃkṣaṇam / (20.1) Par.?

rujan dūṣayate yoniṃ vāyuḥ prākcaraṇā hi sā // (20.2) Par.?

garbhiṇyāḥ śleṣmalābhyāsācchardiniḥśvāsanigrahāt / (21.1) Par.?

vāyuḥ *kruddhaḥ kaphaṃ yonimupanīya pradūṣayet // (21.2) Par.?

pāṇḍuṃ satodamāsrāvaṃ śvetaṃ sravati vā kapham / (22.1) Par.?

kaphavātāmayavyāptā sā syādyonirupaplutā // (22.2) Par.?

pittalāyā nṛsaṃvāse kṣavathūdgāradhāraṇāt / (23.1) Par.?

pittasaṃmūrcchito vāyuryoniṃ dūṣayati striyāḥ // (23.2) Par.?

śūnā sparśākṣamā sārtirnīlapītamasṛk sravet / (24.1) Par.?

śroṇivaṃkṣaṇapṛṣṭhārtijvarārtāyāḥ pariplutā // (24.2) Par.?

vegodāvartanādyonimudāvartayate 'nilaḥ / (25.1) Par.?

sā rugārtā rajaḥ *kṛcchreṇodāvṛttaṃ vimuñcati // (25.2) Par.?

ārtave sā vimukte tu tatkṣaṇaṃ labhate sukham / (26.1) Par.?

rajaso gamanādūrdhvaṃ jñeyodāvartinī budhaiḥ // (26.2) Par.?

akāle vāhamānāyā garbheṇa pihito 'nilaḥ / (27.1) Par.?

karṇikāṃ janayedyonau śleṣmaraktena mūrcchitaḥ // (27.2) Par.?

raktamārgāvarodhinyā *sā tayā karṇinī matā / (28.1) Par.?

raukṣyādvāyuryadā garbhaṃ jātaṃ jātaṃ vināśayet // (28.2) Par.?

duṣṭaśoṇitajaṃ nāryāḥ putraghnī nāma sā matā / (29.1) Par.?

vyavāyamatitṛptāyā bhajantyāstvannapīḍitaḥ // (29.2) Par.?

vāyurmithyāsthitāṅgāyā yonisrotasi saṃsthitaḥ / (30.1) Par.?

vakrayatyānanaṃ *yonyāḥ sāsthimāṃsānilārtibhiḥ // (30.2) Par.?

bhṛśārtirmaithunāśaktā yonirantarmukhī matā / (31.1) Par.?

garbhasthāyāḥ striyā raukṣyādvāyuryoniṃ pradūṣayan // (31.2) Par.?

mātṛdoṣādaṇudvārāṃ kuryāt sūcīmukhī tu sā / (32.1) Par.?

vyavāyakāle rundhantyā vegān prakupito 'nilaḥ // (32.2) Par.?

kuryādviṇmūtrasaṅgārtiṃ śoṣaṃ yonimukhasya ca / (33.1) Par.?

ṣaḍahāt saptarātrādvā śukraṃ garbhāśayaṃ gatam // (33.2) Par.?

sarujaṃ nīrujaṃ vāpi yā sravet sā tu vāminī / (34.1) Par.?

bījadoṣāttu garbhasthamārutopahatāśayā // (34.2) Par.?

nṛdveṣiṇyastanī caiva ṣaṇḍhī syādanupakramā / (35.1) Par.?

viṣamaṃ duḥkhaśayyāyāṃ maithunāt kupito 'nilaḥ // (35.2) Par.?

garbhāśayasya yonyāśca mukhaṃ viṣṭambhayet striyāḥ / (36.1) Par.?

asaṃvṛtamukhī *sārtī rūkṣaphenāsravāhinī // (36.2) Par.?

māṃsotsannā mahāyoniḥ parvavaṃkṣaṇaśūlinī / (37.1) Par.?

ityetairlakṣaṇaiḥ proktā viṃśatiryonijā gadāḥ // (37.2) Par.?

na śukraṃ dhārayatyebhirdoṣairyonirupadrutā / (38.1) Par.?

tasmādgarbhaṃ na gṛhṇāti strī gacchatyāmayān bahūn // (38.2) Par.?

gulmārśaḥpradarādīṃśca vātādyaiścātipīḍanam / (39.1) Par.?

āsāṃ ṣoḍaśa yāstvantyā ādye dve pittadoṣaje // (39.2) Par.?

pariplutā vāminī ca vātapittātmike mate / (40.1) Par.?

karṇinyupaplute vātakaphāccheṣāstu vātajāḥ // (40.2) Par.?

dehaṃ vātādayastāsāṃ svairliṅgaiḥ pīḍayanti hi / (41.1) Par.?

snehanasvedabastyādi vātajāsvanilāpaham // (41.2) Par.?

kārayedraktapitaghnaṃ śītaṃ pittakṛtāsu ca / (42.1) Par.?

śleṣmajāsu ca rūkṣoṣṇaṃ karma kuryādvicakṣaṇaḥ // (42.2) Par.?

sannipāte vimiśraṃ tu saṃsṛṣṭāsu ca kārayet / (43.1) Par.?

snigdhasvinnāṃ tathā yoniṃ duḥsthitāṃ sthāpayetpunaḥ // (43.2) Par.?

pāṇinā nāmayejjihmāṃ saṃvṛtāṃ vardhayet punaḥ / (44.1) Par.?

praveśayenniḥsṛtāṃ ca vivṛtāṃ parivartayet // (44.2) Par.?

yoniḥ sthānāpavṛttā hi śalyabhūtā matā striyāḥ / (45.1) Par.?

sarvāṃ vyāpannayoniṃ tu karmabhirvamanādibhiḥ // (45.2) Par.?

mṛdubhiḥ pañcabhirnārīṃ snigdhasvinnāmupācaret / (46.1) Par.?

sarvataḥ suviśuddhāyāḥ śeṣaṃ karma vidhīyate // (46.2) Par.?

vātavyādhiharaṃ karma vātārtānāṃ sadā hitam / (47.1) Par.?

audakānūpajairmāṃsaiḥ kṣīraiḥ satilataṇḍulaiḥ // (47.2) Par.?

savātaghnauṣadhairnāḍīkumbhīsvedairupācaret / (48.1) Par.?

aktāṃ lavaṇatailena sāśmaprastarasaṅkaraiḥ // (48.2) Par.?

svinnāṃ koṣṇāmbusiktāṅgīṃ vātaghnairbhojayedrasaiḥ / (49.1) Par.?

balādroṇadvayakvāthe *ghṛtatailāḍakaṃ pacet // (49.2) Par.?

sthirāpayasyājīvantīvīrarṣabhakajīvakaiḥ / (50.1) Par.?

śrāvaṇīpippalīmudgapīlumāṣākhyaparṇibhiḥ // (50.2) Par.?

śarkarākṣīrakākolīkākanāsābhireva ca / (51.1) Par.?

piṣṭaiścaturguṇakṣīre siddhaṃ peyaṃ yathābalam // (51.2) Par.?

vātapittakṛtān rogān hatvā garbhaṃ dadhāti tat / (52.1) Par.?

kāśmaryatriphalādrākṣākāsamardaparūṣakaiḥ // (52.2) Par.?

punarnavādvirajanīkākanāsāsahācaraiḥ / (53.1) Par.?

śatāvaryā guḍūcyāśca prasthamakṣasamairghṛtāt // (53.2) Par.?

*sādhitaṃ yonivātaghnaṃ garbhadaṃ paramaṃ pibet / (54.1) Par.?

*pippalīkuñcikājājīvṛṣakaṃ saindhavaṃ vacām // (54.2) Par.?

yavakṣārājamode ca śarkarāṃ citrakaṃ tathā / (55.1) Par.?

piṣṭvā *sarpiṣi bhṛṣṭāni pāyayeta prasannayā // (55.2) Par.?

yonipārśvārtihṛdrogagulmārśovinivṛttaye / (56.1) Par.?

vṛṣakaṃ mātuluṅgasya mūlāni madayantikām // (56.2) Par.?

pibet salavaṇairmadyaiḥ pippalīkuñcike tathā / (57.1) Par.?

rāsnāśvadaṃṣṭrāvṛṣakaiḥ pibecchūle śṛtaṃ payaḥ // (57.2) Par.?

guḍūcītriphalādantīkvāthaiśca pariṣecayet / (58.1) Par.?

saindhavaṃ tagaraṃ kuṣṭhaṃ bṛhatī devadāru ca // (58.2) Par.?

samāṃśaiḥ sādhitaṃ kalkaistailaṃ dhāryaṃ rujāpaham / (59.1) Par.?

guḍūcīmālatīrāsnābalāmadhukacitrakaiḥ // (59.2) Par.?

nidigdhikādevadāruyūthikābhiśca kārṣikaiḥ / (60.1) Par.?

tailaprasthaṃ gavāṃ mūtre kṣīre ca dviguṇe pacet // (60.2) Par.?

vātārtāyāḥ picuṃ dadyādyonau ca praṇayettataḥ / (61.1) Par.?

vātārtānāṃ ca yonīnāṃ sekābhyaṅgapicukriyāḥ // (61.2) Par.?

uṣṇāḥ sigdhāḥ prakartavyāstailāni snehanāni ca / (62.1) Par.?

hiṃsrākalkaṃ tu vātārtā koṣṇamabhyajya dhārayet / (62.2) Par.?

pañcavalkasya pittārtā śyāmādīnāṃ kaphāturā // (62.3) Par.?

pittalānāṃ tu yonīnāṃ sekābhyaṅgapicukriyāḥ / (63.1) Par.?

śītāḥ pittaharāḥ kāryāḥ snehanārthaṃ ghṛtāni ca // (63.2) Par.?

pittaghnauṣadhasiddhāni kāryāṇi bhiṣajā tathā / (64.1) Par.?

śatāvarīmūlatulāścatasraḥ saṃprapīḍayet // (64.2) Par.?

rasena kṣīratulyena pacettena ghṛtāḍhakam / (65.1) Par.?

jīvanīyaiḥ śatāvaryā mṛdvīkābhiḥ parūṣakaiḥ // (65.2) Par.?

piṣṭaiḥ priyālaiścākṣāṃśairdviyaṣṭimadhukairbhiṣak / (66.1) Par.?

siddhe śīte ca madhunaḥ pippalyāśca palāṣṭakam // (66.2) Par.?

sitādaśapalonmiśrāllihyāt pāṇitalaṃ tataḥ / (67.1) Par.?

yonyasṛkśukradoṣaghnaṃ vṛṣyaṃ puṃsavanaṃ ca tat // (67.2) Par.?

kṣataṃ kṣataṃ raktapittaṃ kāsaṃ śvāsaṃ halīmakam / (68.1) Par.?

kāmalāṃ vātaraktaṃ ca vīsarpaṃ hṛcchirograham // (68.2) Par.?

unmādāratyapasmārān vātapittātmakāñjayet / (69.1) Par.?

iti bṛhacchatāvarīghṛtam / (69.2) Par.?

evameva kṣīrasarpirjīvanīyopasādhitam // (69.3) Par.?

garbhadaṃ pittalānāṃ ca yonīnāṃ syādbhiṣagjitam / (70.1) Par.?

yonyāṃ śleṣmapraduṣṭāyāṃ vārtiḥ saṃśodhanī hitā // (70.2) Par.?

vārāhe bahuśaḥ pitte bhāvitairlaktakaiḥ kṛtā / (71.1) Par.?

bhāvitaṃ payasārkasya yavacūrṇaṃ sasaindhavam // (71.2) Par.?

vartiḥ kṛtā muhurdhāryā tataḥ secyā sukhāmbunā / (72.1) Par.?

pippalyā maricairmāṣaiḥ śatāhvākuṣṭhasaindhavaiḥ // (72.2) Par.?

vartistulyā pradeśinyā dhāryā yoniviśodhanī / (73.1) Par.?

udumbaraśalāṭūnāṃ droṇamabdroṇasaṃyutam // (73.2) Par.?

*sapañcavaklakulakamālatīnimbapallavam / (74.1) Par.?

niśāṃ sthāpya jale tasmiṃstailaprasthaṃ vipācayet // (74.2) Par.?

lākṣādhavapalāśatvaṅniryāsaiḥ śālmalena ca / (75.1) Par.?

piṣṭaiḥ siddhasya tailasya picuṃ yonau nidhāpayet // (75.2) Par.?

saśarkaraiḥ kaṣāyaiśca śītaiḥ kurvīta secanam / (76.1) Par.?

picchilā vivṛtā kāladuṣṭā yoniśca dāruṇā // (76.2) Par.?

*saptāhācchudhyati kṣipramapatyaṃ cāpi vindati / (77.1) Par.?

udumbarasya dugdhena ṣaṭkṛtvo bhāvitāttilāt // (77.2) Par.?

tailaṃ kvāthena tasyaiva siddhaṃ dhāryaṃ ca pūrvavat / (78.1) Par.?

dhātakyāmalakīpatrasrotojamadhukotpalaiḥ // (78.2) Par.?

jambvāmramadhyakāsīsalodhrakaṭphalatindukaiḥ / (79.1) Par.?

saurāṣṭrikādāḍimatvagudumbaraśalāḍubhiḥ // (79.2) Par.?

akṣamātrairajāmūtre kṣīre ca dviguṇe pacet / (80.1) Par.?

tailaprasthaṃ picuṃ dadyādyonau ca praṇayettataḥ // (80.2) Par.?

kaṭīpṛṣṭhatrikābhyaṅgaṃ snehabastiṃ ca dāpayet / (81.1) Par.?

picchilā *srāviṇī yonirviplutopaplutā tathā // (81.2) Par.?

uttānā connatā śūnā sidhyet sasphoṭaśūlinī / (82.1) Par.?

karīradhavanimbarkaveṇukośāmrajāmbavaiḥ // (82.2) Par.?

jiṅginīvṛṣamūlānāṃ kvāthairmārdvīkasīdhubhiḥ / (83.1) Par.?

saśuktairdhāvanaṃ mithairyonyāsrāvavināśanam // (83.2) Par.?

kuryāt satakragomūtraśuktairvā triphalārasaiḥ / (84.1) Par.?

pippalyayorajaḥ pathyāprayogā madhunā hitāḥ // (84.2) Par.?

śleṣmalāyāṃ kaṭuprāyāḥ samūtrā bastayo hitāḥ / (85.1) Par.?

pitte samadhurakṣīrā vāte tailāmlasaṃyutāḥ // (85.2) Par.?

sannipātasamutthāyāḥ karma sādhāraṇaṃ hitam / (86.1) Par.?

raktayonyāmasṛgvarṇairanubandhaṃ samīkṣya ca // (86.2) Par.?

tataḥ kuryādyathādoṣaṃ raktasthāpanamauṣadham / (87.1) Par.?

tilacūrṇaṃ dadhi ghṛtaṃ phāṇitaṃ śaukarī vasā // (87.2) Par.?

kṣaudreṇa saṃyutaṃ peyaṃ vātasṛgdaranāśanam / (88.1) Par.?

varāhasya raso medyaḥ sakaulattho 'nilādhike // (88.2) Par.?

śarkarākṣaudrayaṣṭyāhvanāgarairvā yutaṃ dadhi / (89.1) Par.?

payasyotpalaśālūkabisakālīyakāmbudam // (89.2) Par.?

sapayaḥśarkarākṣaudraṃ *paittike 'sṛgdare pibet / (90.1) Par.?

pāṭhā jambvāmrayormadhyaṃ śilodbhedaṃ rasāñjanam // (90.2) Par.?

ambaṣṭhā śālmalīśleṣaṃ samaṅgāṃ vatsakatvacam / (91.1) Par.?

bāhlīkātiviṣe bilvaṃ mustaṃ lodhraṃ sagairikam // (91.2) Par.?

kaṭvaṅgaṃ maricaṃ śuṇṭhīṃ mṛdvīkāṃ raktacandanam / (92.1) Par.?

kaṭphalaṃ vatsakānantādhātakīmadhukārjunam // (92.2) Par.?

puṣyeṇoddhṛtya tulyāni sūkṣmacūrṇāni kārayet / (93.1) Par.?

tāni kṣaudreṇa saṃyojya pibettaṇḍulavāriṇā // (93.2) Par.?

arśaḥsu cātisāreṣu raktaṃ yaccopaveśyate / (94.1) Par.?

doṣāgantukṛtā ye ca bālānāṃ tāṃśca nāśayet // (94.2) Par.?

yonidoṣaṃ rajodoṣaṃ śvetaṃ nīlaṃ sapītakam / (95.1) Par.?

strīṇāṃ śyāvāruṇaṃ yacca prasahya vinivartayet // (95.2) Par.?

cūrṇaṃ puṣyānugaṃ nāma hitamātreyapūjitam / (96.1) Par.?

iti puṣyānugacūrṇam / (96.2) Par.?

taṇḍulīyakamūlaṃ tu sakṣaudraṃ taṇḍulāmbunā // (96.3) Par.?

rasāñjanaṃ ca lākṣāṃ ca chāgena payasā pibet / (97.1) Par.?

patrakalkau ghṛte bhṛṣṭau rājādanakapitthayoḥ // (97.2) Par.?

pittānilaharau paitte sarvathaivāsrapittajit / (98.1) Par.?

madhukaṃ triphalāṃ lodhraṃ mustaṃ saurāṣṭrikāṃ madhu // (98.2) Par.?

madyairnimbaguḍūcyau vā kaphaje 'sṛgdare pibet / (99.1) Par.?

virecanaṃ mahātiktaṃ paittike 'sṛgdare pibet // (99.2) Par.?

hitaṃ garbhaparisrāve yaccokataṃ tacc kārayet / (100.1) Par.?

kāśmaryakuṭajākvāthasiddhamuttarabastinā // (100.2) Par.?

raktayonyarajaskānāṃ putraghnyāśca hitaṃ ghṛtam / (101.1) Par.?

*mṛgājāvivarāhāsṛgdadhyamlaphalasarpiṣā // (101.2) Par.?

arajaskā pibet siddhaṃ jīvanīyaiḥ payo 'pi vā / (102.1) Par.?

karṇinyacaraṇāśuṣkayoniprākcaraṇāsu ca // (102.2) Par.?

kaphavāte ca dātavyaṃ tailamuttarabastinā / (103.1) Par.?

gopitte matsyapitte vā kṣaumaṃ triḥsaptabhāvitam // (103.2) Par.?

madhunā kiṇvacūrṇaṃ vā dadyādacaraṇāpaham / (104.1) Par.?

srotasāṃ śodhanaṃ kaṇḍūkledaśophaharaṃ ca tat // (104.2) Par.?

vātaghnaiḥ śatapākaiśca tailaiḥ prāgaticāriṇī / (105.1) Par.?

āsthāpyā cānuvāsyā ca svedyā cānilasūdanaiḥ // (105.2) Par.?

snehadravyaistathāāhārairupanāhaiśca yuktitaḥ / (106.1) Par.?

śatāhvāyavagodhūmakiṇvakuṣṭhapriyaṅgubhiḥ // (106.2) Par.?

balākhuparṇikāśryāhvaiḥ saṃyāvo dhāraṇaḥ smṛtaḥ / (107.1) Par.?

vāminyupaplutānāṃ ca snehasvedādikaḥ kramaḥ // (107.2) Par.?

kāryastataḥ snehapicustataḥ saṃtarpaṇaṃ bhavet / (108.1) Par.?

śallakījiṅginījambūdhavatvakpañcavalkalaiḥ // (108.2) Par.?

kaṣāyaiḥ sādhitaḥ snehapicuḥ syādviplutāpahaḥ / (109.1) Par.?

karṇinyāṃ vartikā kuṣṭhapippalyarkāgrasaindhavaiḥ // (109.2) Par.?

bastamūtrakṛtā dhāryā sarvaṃ ca śleṣmanuddhitam / (110.1) Par.?

traivṛtaṃ snehanaṃ svedo grāmyānūpaudakā rasāḥ // (110.2) Par.?

daśamūlapayobastiścodāvartānilārtiṣu / (111.1) Par.?

traivṛtenānuvāsyā ca bastiścottarasaṃjñitaḥ // (111.2) Par.?

etadeva mahāyonyāṃ srastāyāṃ ca vidhīyate / (112.1) Par.?

*vasā rkṣavarāhāṇāṃ ghṛtaṃ ca mdhuraiḥ śṛtam // (112.2) Par.?

*pūrayitvā mahāyoniṃ badhnīyāt kṣaumalaktakaiḥ / (113.1) Par.?

prasrastāṃ sarpiṣābhyajya kṣīrasvinnāṃ praveśya ca // (113.2) Par.?

badhnīyādveśavārasya piṇḍenāmūtrakālataḥ / (114.1) Par.?

yacca vātavikārāṇāṃ karmoktaṃ tacca kārayet // (114.2) Par.?

sarvavyāpatsu matimānmahāyonyāṃ viśeṣataḥ / (115.1) Par.?

nahi vātādṛte yonirnārīṇāṃ saṃpraduṣyati // (115.2) Par.?

śamayitvā tamanyasya kuryāddoṣasya meṣajam / (116.1) Par.?

rohītakānmūlakalkaṃ pāṇḍure 'sṛgdare pibet // (116.2) Par.?

jalenāmalakībījaṃ kalkaṃ vā sasitāmadhum / (117.1) Par.?

madhunāāmalakāccūrṇaṃ rasaṃ vā *lehayecca tām // (117.2) Par.?

nyagrodhatvakkaṣāyeṇa lodhrakalkaṃ tatahā pibet / (118.1) Par.?

āsrāve kṣaumapaṭṭaṃ vā bhāvitaṃ tena dhārayet // (118.2) Par.?

plakṣatvakcūrṇapiṇḍaṃ vā dhārayenmadhunā kṛtam / (119.1) Par.?

yonyā snehāktayā lodhrapriyaṅgumadhukasya vā // (119.2) Par.?

dhāryā madhuyutā vartiḥ kaṣāyāṇāṃ ca sarvaśaḥ / (120.1) Par.?

srāvacchedārthamabhyaktāṃ dhūpayedvā ghṛtāplutaiḥ // (120.2) Par.?

saralāgugguluyavaiḥ satailakaṭumatsyakaiḥ / (121.1) Par.?

kāsīsaṃ triphalā kāṃkṣī samaṅgāāmrāsthi dhātakī // (121.2) Par.?

paicchilye kṣaudrasaṃyuktaścūrṇo vaiśadyakārakaḥ / (122.1) Par.?

palāśasarjajambūtvaksamaṅgāmocadhātakīḥ // (122.2) Par.?

sapicchilāpariklinnāstambhanaḥ kalka iṣyate / (123.1) Par.?

stabdhānāṃ karkaśānāṃ ca kāryaṃ mārdavakārakam // (123.2) Par.?

dhārayedveśavāraṃ vā pāyasaṃ kṛśarāṃ tathā / (124.1) Par.?

durgandhānāṃ kaṣāyaḥ syāttauvaraḥ kalka eva vā // (124.2) Par.?

cūrṇaṃ vā sarvagandhānāṃ pūtigandhāpakarṣaṇam / (125.1) Par.?

evaṃ yoniṣu śuddhāsu garbhaṃ vindanti yoṣitaḥ // (125.2) Par.?

aduṣṭe prākṛte bīje jīvopakramaṇe sati / (126.1) Par.?

pañcakarmaviśuddhasya puruṣasyāpi cendriyam // (126.2) Par.?

parīkṣya varṇairdoṣāṇāṃ duṣṭaṃ tadghnairupācaret / (127.1) Par.?

bhavanti cātra / (127.2) Par.?

saliṅgā vyāpado yoneḥ sanidānacikitsitāḥ // (127.3) Par.?

uktā vistarataḥ samyaṅguninā tattvadarśinā / (128.1) Par.?

punarevāgniveśastu papraccha bhiṣajāṃ varam // (128.2) Par.?

ātreyamupasaṅgamya śukradoṣāstvayānagha / (129.1) Par.?

rogādhyāye samuddiṣṭā hyaṣṭau puṃsāmaśeṣataḥ // (129.2) Par.?

teṣāṃ hetuṃ bhiṣakśreṣṭha duṣṭāduṣṭasya cākṛtim / (130.1) Par.?

cikitsitaṃ ca kārtsnyona klaibyaṃ yacca caturvidham // (130.2) Par.?

upadraveṣu yonīnāṃ pradaro yaśca kīrtitaḥ / (131.1) Par.?

teṣāṃ nidānaṃ liṅgaṃ ca cikitsāṃ caiva tattvataḥ // (131.2) Par.?

samāsavyāsamedena *prabrūhi bhiṣajāṃvara / (132.1) Par.?

tasmai śuśrūṣamāṇāya provāca munipuṅgavaḥ // (132.2) Par.?

bījaṃ *yasmādvyavāye tu harṣayonisamutthitam / (133.1) Par.?

śukraṃ pauruṣamityuktaṃ tasmādvakṣyāmi tacchṛṇu // (133.2) Par.?

yathā bījamakālāmbukṛmikīṭāgnidūṣitam / (134.1) Par.?

na virohati saṃduṣṭaṃ tathā śukraṃ śarīriṇām // (134.2) Par.?

ativyavāyadvyāyāmādasātmyānāṃ ca sevanāt / (135.1) Par.?

akāle vāpyayonau vā maithunaṃ na ca gacchataḥ // (135.2) Par.?

rūkṣatiktakaṣāyātilavaṇāmloṣṇasevanāt / (136.1) Par.?

*nārīṇāmarasajñānāṃ gamanājjarayā tathā // (136.2) Par.?

cintāśokādavisrambhācchastrakṣāragnivibhramāt / (137.1) Par.?

*bhayātkrodhādabhīcārādvyādhibhiḥ karśitasya ca // (137.2) Par.?

vegāghātāt kṣatāccāpi dhātūnāṃ saṃpradūṣaṇāt / (138.1) Par.?

doṣāḥ pṛthak samastā vā prāpya retovahāḥ sirāḥ // (138.2) Par.?

śukraṃ sṃdūṣayantyāśu tadvakṣyāmi vibhāgaśaḥ / (139.1) Par.?

phenilaṃ tanu rūkṣaṃ ca vivarṇaṃ pūti picchilam // (139.2) Par.?

anyadhātūpasaṃsṛṣṭamavasādi tathāṣṭamam / (140.1) Par.?

phenilaṃ tanu rūkṣaṃ ca kṛcchreṇālpaṃ ca mārutāt // (140.2) Par.?

bhavatyupahataṃ śukraṃ na tadgarbhāya kalpate / (141.1) Par.?

sanīlamathavā pītamatyuṣṇaṃ pūtigandhi ca // (141.2) Par.?

dahalliṅgaṃ viniryāti śukraṃ pittena dūṣitam / (142.1) Par.?

śleṣmaṇā baddhamārgaṃ tu bhavatyatyarthapicchilam // (142.2) Par.?

strīṇāmatyarthagamanādabhighātāt kṣatādapi / (143.1) Par.?

śukraṃ pravartate jantoḥ prāyeṇa rudhirānvayam // (143.2) Par.?

vegasaṃdhāraṇācchukraṃ vāyunā vihataṃ pathi / (144.1) Par.?

kṛcchreṇa yāti grathitamavasādi tathāāṣṭamam // (144.2) Par.?

iti doṣāḥ samākhyātāḥ śukrasyāṣṭau salakṣaṇāḥ / (145.1) Par.?

snigdhaṃ ghanaṃ picchilaṃ ca madhuraṃ cāvidāhi ca // (145.2) Par.?

retaḥ śuddhaṃ *vijānīyācchvetaṃ sphaṭikasannibham / (146.1) Par.?

vājīkaraṇayogaistairupayogasukhairhitaiḥ // (146.2) Par.?

raktapittaharairyogairyonivyāpadikaistathā / (147.1) Par.?

duṣṭaṃ yadā bhavecchukraṃ tadā tat samupācaret // (147.2) Par.?

ghṛtaṃ ca jīvanīyaṃ yaccyavanaprāśa eva ca / (148.1) Par.?

girijasya prayogaśca retodoṣānapohati // (148.2) Par.?

vātānvite hitāḥ śukre nirūhāḥ sānuvāsanāḥ / (149.1) Par.?

abhayāmalakīyaṃ ca paitte śastaṃ rasāyanam // (149.2) Par.?

māgadhyamṛtalohānāṃ triphalāyā rasāyanam / (150.1) Par.?

kaphotthitaṃ śukradoṣaṃ hanyādbhallātakasya ca // (150.2) Par.?

yadanyadhātusaṃsṛṣṭāṃ śukraṃ tadvīkṣya yuktitaḥ / (151.1) Par.?

yathādoṣāṃ prayuñjīta doṣadhātubhiṣagjitam // (151.2) Par.?

sarpiḥ payo rasāḥ śāliryavagodhūmaṣaṣṭikāḥ / (152.1) Par.?

praśastāḥ śukradoṣeṣu bastikarma viśeṣataḥ // (152.2) Par.?

ityaṣṭaśukradoṣāṇāṃ muninoktaṃ cikitsitam / (153.1) Par.?

retodoṣodbhavaṃ klaibyaṃ yasmācchuddhyaiva sidhyati // (153.2) Par.?

tato vakṣyāmi te samyagagniveśa yathātatham / (154.1) Par.?

bījadhvajopaghātābhyāṃ jarayā śukrasaṃkṣayāt // (154.2) Par.?

klaibyaṃ saṃpadyate tasya śṛṇu sāmānyalakṣaṇam / (155.1) Par.?

saṅkalpapravaṇo nityaṃ priyāṃ vaśyāmapi striyam // (155.2) Par.?

na yāti liṅgaśaitthilyāt kadācidyāti vā yadi / (156.1) Par.?

śvāsārtaḥ svinnagātraśca moghasaṅkalpaceṣṭitaḥ // (156.2) Par.?

mlānaśiśnaśca *nirbījaḥ syādetat klaibyalakṣaṇam / (157.1) Par.?

sāmānyalakṣaṇaṃ hyetadvistareṇa pravakṣyate // (157.2) Par.?

śītarūkṣālpasaṃkliṣṭa*viruddhājīrṇabhojanāt / (158.1) Par.?

śokacintābhayatrāsāt strīṇāṃ cātyarthasevanāt // (158.2) Par.?

abhicārādavisrambhādrasādīnāṃ ca saṃkṣayāt / (159.1) Par.?

vātādīnāṃ ca vaiṣamyāttathaivānaśanācchramāt // (159.2) Par.?

nārīṇāmarasajñatvāt pañcakarmāpacārataḥ / (160.1) Par.?

bījopaghātādbhavati pāṇḍuvarṇaḥ sudurbalaḥ // (160.2) Par.?

alpaprāṇo 'lpaharṣaśca pramadāsu bhavennaraḥ / (161.1) Par.?

hṛtpāṇḍurogatamakakāmalāśramapīḍitaḥ // (161.2) Par.?

chardyatīsāraśūlārtaḥ kāsajvaranipīḍitaḥ / (162.1) Par.?

vījopaghātajaṃ klaibyaṃ dhvajabhaṅgakṛtaṃ śṛṇu // (162.2) Par.?

atyamlalavaṇakṣāraviruddhāsātmyabhojanāt / (163.1) Par.?

atyambupānādviṣamāt piṣṭānnagurubhojanāt // (163.2) Par.?

dadhikṣīrānūpamāṃsasevanādhyādhikarṣaṇāt / (164.1) Par.?

kanyānāṃ caiva gamanādayonigamanādapi // (164.2) Par.?

*dīrgharogāṃ cirotsṛṣṭāṃ tathaiva ca rajasvalām / (165.1) Par.?

durgandhāṃ duṣṭayoniṃ ca tathaiva ca *parisrutām // (165.2) Par.?

īdṛśīṃ pramadāṃ mohādyo gacchet kāmaharṣitaḥ / (166.1) Par.?

catuṣpadābhigamanācchephasaścābhighātataḥ // (166.2) Par.?

adhāvanādvā meḍhrasya śastradantamakhakṣatāt / (167.1) Par.?

kāṣṭhaprahāraniṣpeṣācchūkānāṃ cātisevanāt // (167.2) Par.?

retasaśca pratīghātāddhvajabhaṅgaḥ pravartate / (168.1) Par.?

śvayathurvedanā meḍhre rāgaścaivopalakṣyate // (168.2) Par.?

sphoṭāśca tīvrā jāyante liṅgapāko bhavatyapi / (169.1) Par.?

māṃsavṛddhirbhaveccāsya vraṇāḥ kṣipraṃ bhavantyapi // (169.2) Par.?

pulākodakasaṅkāśaḥ srāvaḥ śyāvāruṇaprabhaḥ / (170.1) Par.?

*valayīkurute cāpi kaṭhinaśca parigrahaḥ // (170.2) Par.?

jvarastṛṣṇā bhramo mūrcchā cchardiścāsyopajāyate / (171.1) Par.?

raktaṃ kṛṣṇaṃ sraveccāpi nīlamāvilalohitam // (171.2) Par.?

agnineva ca dagdhasya tīvro dāhaḥ savedanaḥ / (172.1) Par.?

bastau vṛṣaṇayorvāpi sīvanyāṃ vaṅkṣaṇeṣu ca // (172.2) Par.?

kadācitpicchilo vāpi pāṇḍuḥ srāvaśca jāyate / (173.1) Par.?

śvayathurjāyate mandaḥ stimito 'lpaparisravaḥ // (173.2) Par.?

cirācca pākaṃ vrajati śūghraṃ vātha pramucyate / (174.1) Par.?

jāyante krimayaścāpi klidyate pūtigandhi ca // (174.2) Par.?

ciśīryate maṇiścāsya meḍhraṃ muṣkāvathāpi ca / (175.1) Par.?

dhvajabhaṅgakṛtaṃ klaibyamityetat samudāhṛtam // (175.2) Par.?

*etaṃ pañcavidhaṃ deciddhvajabhaṅgaṃ pracakṣate / (176.1) Par.?

klaibyaṃ jarāsaṃbhavaṃ hi pravakṣyāmyatha tacchṛṇu // (176.2) Par.?

jaghanyamadhyapravaraṃ vayastrividhamucyate / (177.1) Par.?

atipravayasāṃ śukraṃ prāyaśaḥ kṣīyate nṛṇām // (177.2) Par.?

rasādīnāṃ saṃkṣayācca tathaivāvṛṣyasevanāt / (178.1) Par.?

balavīryendiryāṇāṃ ca krameṇaiva parikṣayāt // (178.2) Par.?

parikṣayādāyuṣaścāpyanāhārācchramāt klamāt / (179.1) Par.?

jarāsaṃbhavajaṃ klaibyamityetairhetubhirnṛṇām // (179.2) Par.?

jāyate tena so 'tyarhtaṃ kṣīṇadhātuḥ sudurbalaḥ / (180.1) Par.?

vivarṇo durbalo dīnaḥ kṣipraṃ vyādhimathāśnute // (180.2) Par.?

etajjarāsaṃbhavaṃ hi caturthaṃ kṣayajaṃ śṛṇu / (181.1) Par.?

atīva cintanāccaiva śokātkrodhādbhayāttathā // (181.2) Par.?

*īrṣyotkaṇṭhāmadodvegān sadā viśati yo naraḥ / (182.1) Par.?

kṛśo vā sevate rūkṣamannapānaṃ tathauṣadham // (182.2) Par.?

durbalaprakṛtiścaiva nirāhāro bhavedyadi / (183.1) Par.?

*asātmyabhojanāccāpi hṛdaye yo vyavasthitaḥ // (183.2) Par.?

rasaḥ pradhānadhāturhi kṣīyetāśu tato mṛṇām / (184.1) Par.?

raktādayaśca kṣīyante dhātavastasya dehinaḥ // (184.2) Par.?

śukrāvasānāstebhyo 'pi śukraṃ dhāma paraṃ matam / (185.1) Par.?

cetaso vātiharṣeṇa vyavāyaṃ sevate 'ti yaḥ // (185.2) Par.?

tasyāśu kṣīyate śukraṃ tataḥ prāpnoti saṃkṣayam / (186.1) Par.?

ghoraṃ vyādhimavāpnoti maraṇaṃ vā sa gacchati // (186.2) Par.?

śukraṃ tasmādviśeṣeṇa rakṣyamārogyamicchatā / (187.1) Par.?

evaṃ nidānaliṅgābhyāmuktaṃ klaibyaṃ caturvidham // (187.2) Par.?

kecit klaibye tvasādhye dve dhvajabhaṅgakṣayodbhave / (188.1) Par.?

vadanti śephasaśchedādvṛṣaṇotpāṭanena ca // (188.2) Par.?

mātāpitrorbījadoṣādaśubhaiścākṛtātmanaḥ / (189.1) Par.?

garbhasthasya yadā doṣāḥ prāpya retovahāḥ sirāḥ // (189.2) Par.?

śoṣayantyāśu tannāśādretaścāpyupahanyate / (190.1) Par.?

tatra saṃpūrṇasarvāṅgaḥ sa bhavatyapumān pumān // (190.2) Par.?

ete tvasādhyā vyākhyātāḥ sannipātasamucchrayāt / (191.1) Par.?

cikitsitamatastūrdhvaṃ samāsavyāsataḥ śṛṇu // (191.2) Par.?

śukradoṣeṣu nirdiṣṭaṃ bheṣajaṃ yanmayānagha / (192.1) Par.?

klaibyopaśāntaye kuryāt kṣīṇakṣatahitaṃ ca yat // (192.2) Par.?

bastayaḥ kṣīrasarpīṃṣi vṛṣyayogāśca ye matāḥ / (193.1) Par.?

rasāyanaprayogāśca sarvānetān prayojayet // (193.2) Par.?

samīkṣya dehadoṣāgnibalaṃ bheṣajakālavit / (194.1) Par.?

vyavāyahetuje klaibye tathā *dhātuviparyayāt // (194.2) Par.?

daivavyapāśrayaṃ caiva bheṣajaṃ *cābhicāraje / (195.1) Par.?

samāsenaitaduddiṣṭaṃ bheṣajaṃ klaibyaśāntaye // (195.2) Par.?

vistareṇa pravakṣyāmi klaibyānāṃ bheṣajaṃ punaḥ / (196.1) Par.?

susvinnasnigdhagātrasya snehayuktaṃ virecanam // (196.2) Par.?

annāśanaṃ tataḥ kuryādathavāāsthāpanaṃ punaḥ / (197.1) Par.?

pradadyānmatimān vaidyastatastamanuvāsayet // (197.2) Par.?

palāśairaṇḍamustādyaiḥ paścādāsthāpayettataḥ / (198.1) Par.?

vājīkaraṇayogāśca pūrvaṃ ye samudāhṛtāḥ // (198.2) Par.?

bhiṣajā te prayojyāḥ syuḥ klaibye bījopaghātaje / (199.1) Par.?

dhvajabhaṅgakṛtaṃ klaibyaṃ jñātvā tasyācaret kriyām // (199.2) Par.?

pradehān pariṣekāṃśca kuryādvā raktamokṣaṇam / (200.1) Par.?

snehapānaṃ ca kurvīta sasnehaṃ ca virecanam // (200.2) Par.?

*anuvāsaṃ tataḥ kuryādathavāāsthāpanaṃ punaḥ / (201.1) Par.?

vraṇavacca kriyāḥ sarvāstatra kuryādvicakṣaṇaḥ // (201.2) Par.?

jarāsaṃbhavaje klaibye kṣayaje caiva kārayet / (202.1) Par.?

snehasvedopapannasya sasnehaṃ śodhanaṃ hitam // (202.2) Par.?

kṣīrasarpirvṛṣyayogā bastayaścaiva yāpanāḥ / (203.1) Par.?

rasāyanaprayogāśca tayorbheṣajamucyate // (203.2) Par.?

vistareṇaitaduddiṣṭaṃ klaibyānāṃ bheṣajaṃ mayā / (204.1) Par.?

yaḥ pūrvamuktaḥ pradaraḥ śṛṇu hetvādibhistu tam // (204.2) Par.?

yātyarthaṃ sevate nārī lavaṇāmlagurūṇi ca / (205.1) Par.?

kaṭūnyatha vidāhīni snigdhāni piśitāni ca // (205.2) Par.?

grāmyaudakāni medyāni kṛśarāṃ pāyasaṃ *dadhi / (206.1) Par.?

śukramastusurādīni bhajantyāḥ kupito 'nilaḥ // (206.2) Par.?

*raktaṃ pramāṇamutkramya garbhāśayagatāḥ sirāḥ / (207.1) Par.?

rajovahāḥ samāśritya raktamādāya tadrajaḥ // (207.2) Par.?

yasmādvivardhayatyāśu *rasabhāvādvimānatā / (208.1) Par.?

tasmādasṛgdaraṃ prāhuretattantraviśāradāḥ // (208.2) Par.?

rajaḥ pradīryate yasmāt pradarastena sa smṛtaḥ / (209.1) Par.?

sāmānyataḥ samuddiṣṭaṃ kāraṇaṃ liṅgameva ca // (209.2) Par.?

caturvidhaṃ vyāsatastu vātādyaiḥ sannipātataḥ / (210.1) Par.?

ataḥparaṃ pravakṣyāmi hetvākṛtibhiṣagjitam // (210.2) Par.?

rūkṣādibhirmārutastu raktamādāya pūrvavat / (211.1) Par.?

kupitaḥ pradaraṃ kuryāllakṣaṇaṃ tasya me śṛṇu // (211.2) Par.?

phenilaṃ tanu rūkṣaṃ ca śyāvaṃ cāruṇameva ca / (212.1) Par.?

kiṃśukodakasaṅkāśaṃ sarujaṃ vātha nīrujam // (212.2) Par.?

kaṭivaṅkṣaṇahṛtpārśvapṛṣṭhaśroṇiṣu mārutaḥ / (213.1) Par.?

kurute vedanāṃ tīvrāmetadvātātmakaṃ viduḥ // (213.2) Par.?

amloṣṇalavaṇakṣāraiḥ pittaṃ prakupitaṃ yadā / (214.1) Par.?

pūrvavat pradaraṃ kuryāt paittikaṃ liṅgataḥ śṛṇu // (214.2) Par.?

sanīlamathavā pītamatyuṣṇamasitaṃ tathā / (215.1) Par.?

nitāntaraktaṃ sravati muhurmuhurathārtimat // (215.2) Par.?

dāharāgatṛṣāmohajvarabhramasamāyutam / (216.1) Par.?

asṛgdaraṃ paittikaṃ syācchlaibmikaṃ tu pravakṣyate // (216.2) Par.?

gurvādibhirhetubhiśca pūrvavat kupitaḥ kaphaḥ / (217.1) Par.?

pradaraṃ kurute tasya lakṣaṇaṃ tattvataḥ śṛṇu // (217.2) Par.?

picchilaṃ pāṇḍuvarṇaṃ caguru snigdhaṃ ca śītalam / (218.1) Par.?

sravatyasṛk śleṣmalaṃ ca ghanaṃ mandarujākaram // (218.2) Par.?

chardyarocakahṛllāsaśvāsakāsasamanvitam / (219.1) Par.?

vakṣyate kṣīradoṣāṇāṃ sāmānyamiha kāraṇam // (219.2) Par.?

yattadeva tridoṣasya kāraṇaṃ pradarasya tu / (220.1) Par.?

triliṅgasaṃyutaṃ vidyānnaikāvasthamasṛgdaram // (220.2) Par.?

nārī tvatiparikliṣṭā yadā prakṣīṇaśoṇitā / (221.1) Par.?

sarvahetusamācārādativṛddhastadānilaḥ // (221.2) Par.?

raktamārgeṇa sṛjati *pratyanīkabalaṃ kapham / (222.1) Par.?

durgandhaṃ picchilaṃ pītaṃ vidagdhaṃ pittatejasā // (222.2) Par.?

vasāṃ medaśca yāvaddhi samupādāya vegavān / (223.1) Par.?

sṛjatyapatyamārgeṇa sarpirmajjavasopamam // (223.2) Par.?

śaśvat sravatyathāsrāvaṃ tṛṣṇādāhajvarānvitām / (224.1) Par.?

kṣīṇaraktāṃ durbalāṃ sa tāmasādhyāṃ vivarjayet // (224.2) Par.?

māsānniṣpicchadāhārti pañcarātrānubandhi ca / (225.1) Par.?

naivātibahu nātyalpamārtavaṃ śuddhamādiśet // (225.2) Par.?

guñjāphalasavarṇaṃ ca *padmālaktakasannibham / (226.1) Par.?

indragopakasaṅkāśamārtavaṃ śuddhamādiśet // (226.2) Par.?

yonīnāṃ vātalādyānāṃ yaduktamiha bheṣajam / (227.1) Par.?

caturṇāṃ pradarāṇāṃ ca tat sarvaṃ kārayedbhiṣak // (227.2) Par.?

raktatisāriṇāṃ yacca tathā śoṇitapittinām / (228.1) Par.?

raktārśasāṃ ca yat proktaṃ bheṣajaṃ tacca kārayet // (228.2) Par.?

dhātrīstanastanyasaṃpaduktā vistarataḥ purā / (229.1) Par.?

stanyasaṃjananaṃ caiva stanyasya ca viśodhanam // (229.2) Par.?

vātādiduṣṭe liṅgaṃ ca kṣīṇasya ca cikitsitam / (230.1) Par.?

tatsarvamuktaṃ ye tvaṣṭau kṣīradoṣāḥ prakīrtitāḥ // (230.2) Par.?

vātādiṣveva tān vidyācchāstracakṣurbhiṣaktamaḥ / (231.1) Par.?

trividhāstu yataḥ śiṣyāstato vakṣyāmi vistaram // (231.2) Par.?

ajīrṇāsātmyaviṣamaviruddhātyarthabhojanāt / (232.1) Par.?

lavaṇāmlakaṭukṣārapraklinnānāṃ ca sevanāt // (232.2) Par.?

manaḥśarīrasaṃtāpādasvapnānniśi cintanāt / (233.1) Par.?

prāptavegapratīghātādaprāptodīraṇena ca // (233.2) Par.?

paramānnaṃ guḍakṛtaṃ kṛśarāṃ dadhi *mandakam / (234.1) Par.?

abhiṣyandīni māṃsāni grāmyānūpaudakāni ca // (234.2) Par.?

bhuktvā bhuktvā divāsvapnānmadyasyātiniṣevaṇāt / (235.1) Par.?

*anāyāsādabhīghātāt krodhāccātaṅkakarśanaiḥ // (235.2) Par.?

doṣāḥ kṣīravahāḥ prāpya sirāḥ stanyaṃ pradūṣya ca / (236.1) Par.?

kuryuraṣṭavidhaṃ bhūyo doṣatastannibodha me // (236.2) Par.?

vairasyaṃ phenasaṅghāto raukṣyaṃ cetyanilātmake / (237.1) Par.?

pittādvaivarṇyadaurgandhye snehapaicchilyagauravam // (237.2) Par.?

kaphādbhavati rūkṣādyairanilaḥ svaiḥ prakopaṇaiḥ / (238.1) Par.?

kruddhaḥ kṣīrāśayaṃ prāpya rasaṃ *stanyasya dūṣayet // (238.2) Par.?

virasaṃ vātasaṃsṛṣṭaṃ kṛśībhavati tat piban / (239.1) Par.?

na *cāsya svadate kṣīraṃ kṛcchreṇa ca vivardhate // (239.2) Par.?

tathaiva vāyuḥ kupitaḥ stanyamantarviloḍayan / (240.1) Par.?

karoti phenasaṅghātaṃ *tattu kṛcchrāt pravartate // (240.2) Par.?

tena kṣāmasvaro bālo baddhaviṇmūtramārutaḥ / (241.1) Par.?

vātikaṃ śīrṣarogaṃ vā pīnasaṃ vādhigacchati // (241.2) Par.?

pūrvavat kupitaḥ stanye snehaṃ śoṣayate 'nilaḥ / (242.1) Par.?

rūkṣaṃ tat pibato raukṣyādbalahrāsaḥ prajāyate // (242.2) Par.?

pittamuṣṇādibhiḥ kruddhaṃ stanyāśayamabhiplutam / (243.1) Par.?

karoti stanyavaivarṇyaṃ nīlapītāsitādikam // (243.2) Par.?

vivarṇagātraḥ svinnaḥ syāttṛṣṇālurbhinnaviṭ śiśuḥ / (244.1) Par.?

nityamuṣṇaśarīraśca nābhinandati taṃ stanam // (244.2) Par.?

pūrvavat kupite pitte daurgandhyaṃ kṣīramṛcchati / (245.1) Par.?

pāṇḍvāmayastatpibataḥ kāmalā ca bhavecchiśoḥ // (245.2) Par.?

kruddho gurvādibhiḥ śleṣmā kṣīrāśayagataḥ striyāḥ / (246.1) Par.?

snehānvitatvāttatkṣīramatisnigdhaṃ karoti tu // (246.2) Par.?

chardanaḥ kunthanastena lālālurjāyate śiśuḥ / (247.1) Par.?

nityopadigdhaiḥ *srotobhirnidrāklamasamanvitaḥ // (247.2) Par.?

śvāsakāsaparītastu prasekatamakānvitaḥ / (248.1) Par.?

abhibhūya kaphaḥ stanyaṃ picchilaṃ kurute yadā // (248.2) Par.?

lālāluḥ śūnavaktrākṣirjaḍaḥ syāttat pibañchiśuḥ / (249.1) Par.?

kaphaḥ kṣīrāśayagato gurutvāt kṣīragauravam // (249.2) Par.?

*karoti guru tat pītvā bālo hṛdrogamṛcchati / (250.1) Par.?

anyāṃśca vividhānrogānkuryātkṣīrasamāśritān // (250.2) Par.?

kṣīre vātādibhirduṣṭe saṃbhavanti tadātmakāḥ / (251.1) Par.?

tatrādau stanyaśuddhyarthaṃ dhātrīṃ snehopapāditām // (251.2) Par.?

saṃsvedya vidhivadvaidyo vamanenopapādayet / (252.1) Par.?

vacāpriyaṅguyaṣṭyāhvaphalavatsakasarṣapaiḥ // (252.2) Par.?

kalkairnimbapaṭolānāṃ kvāthaiḥ salavaṇairvamet / (253.1) Par.?

samyagvāntāṃ yathānyāyaṃ kṛtasaṃsarjanāṃ tataḥ // (253.2) Par.?

doṣakālabalāpekṣī snehayitvā virecayet / (254.1) Par.?

trivṛtāmabhayāṃ vāpi triphalārasasaṃyutām // (254.2) Par.?

pāyayenmadhusaṃyuktāmabhayāṃ vāpi kevalām / (255.1) Par.?

pāyayenmūtrasaṃyuktāṃ virekārthaṃ ca śāstravit // (255.2) Par.?

samyagviriktāṃ matimān kṛtasaṃsarjanāṃ punaḥ / (256.1) Par.?

tato *doṣāvaśeṣaghnairannapānairupācaret // (256.2) Par.?

śālayaḥ ṣaṣṭikā vā syuḥ śyāmākā bhojane hitāḥ / (257.1) Par.?

priyaṅgavaḥ koradūṣā yavā veṇuyavāstathā // (257.2) Par.?

vaṃśavetrakalāyāśca *śākārthe snehasaṃskṛtāḥ / (258.1) Par.?

mudgān masūrān yūṣārthe kulatthāṃśca prakalpayet // (258.2) Par.?

nimbavetrāgrakulakavārtākāmalakaiḥ śṛtān / (259.1) Par.?

savyoṣasaindhavān yūṣāndāpayetstanyaśodhanān // (259.2) Par.?

śaśān kapiñjilāneṇān saṃskṛtāṃśca pradāpayet / (260.1) Par.?

śārṅgeṣṭāsaptaparṇatvagaśvagandhāśṛtaṃ jalam // (260.2) Par.?

pāyayetāthavā stanyaśuddhaye rohiṇīśṛtam / (261.1) Par.?

amṛtāsaptaparṇatvakkvāthaṃ caiva sanāgaram // (261.2) Par.?

kirātatiktakakvāthaṃ ślokapāderitān pibet / (262.1) Par.?

trīnetānstanyaśuddhyarthamiti sāmānyabheṣajam // (262.2) Par.?

kīrtitaṃ stanyadoṣāṇāṃ pṛthaganyaṃ nibodhata / (263.1) Par.?

pāyayedvirasakṣīrāṃ drākṣāmadhukasārivāḥ // (263.2) Par.?

ślakṣṇapiṣṭāṃ payasyāṃ ca samāloḍya sukhāmbunā / (264.1) Par.?

pañcakolakulatthaiśca piṣṭairālepayet stanau // (264.2) Par.?

śuṣkau prakṣālya nirduhyāttathā stanyaṃ viśudhyati / (265.1) Par.?

phenasaṅghātavatkṣīraṃ yasyāstāṃ pāyayet striyam // (265.2) Par.?

*pāṭhānāgaraśārṅgeṣṭāmūrvāḥ piṣṭvā sukhāmbunā / (266.1) Par.?

añjanaṃ *nāgaraṃ dāru bilvamūlaṃ priyaṅgavaḥ // (266.2) Par.?

stanayoḥ pūrvavat kāryaṃ lepanaṃ kṣīraśodhanam / (267.1) Par.?

kirātatiktakaṃ śuṇṭhīṃ sāmṛtāṃ kvāthayedbhiṣak // (267.2) Par.?

taṃ kvāthaṃ pāyayeddhātrīṃ stanyadoṣanibarhaṇam / (268.1) Par.?

stanau cālepayet piṣṭairyavagodhūmasarṣapaiḥ // (268.2) Par.?

ṣaḍvirekāśritīyoktairauṣadhaiḥ stanyaśodhanaiḥ / (269.1) Par.?

*rūkṣakṣīrā pibet kṣīraṃ tairvā siddhaṃ ghṛtaṃ pibet // (269.2) Par.?

pūrvavajjīvakādyaṃ ca pañcamūlaṃ pralepanam / (270.1) Par.?

stanayoḥ saṃvidhātavyaṃ sukhoṣṇaṃ stanyaśodhanam // (270.2) Par.?

yaṣṭīmadhukamṛdvīkāpayasyāsindhuvārikāḥ / (271.1) Par.?

śītāmbunā pibetkalkaṃ kṣīravaivarṇyanāśanam // (271.2) Par.?

drākṣāmadhukakalkena stanau cāsyāḥ pralepayet / (272.1) Par.?

prakṣālya vāriṇā caiva *nirduhyāttau punaḥ punaḥ // (272.2) Par.?

viṣāṇikājaśṛṅgyau ca triphalāṃ rajanīṃ vacām / (273.1) Par.?

pibecchītāmbunā piṣṭvā kṣīradaurgandhyanāśinīm // (273.2) Par.?

lihyādvāpyabhayācūrṇaṃ savyoṣaṃ mākṣikaplutam / (274.1) Par.?

kṣīradaurgandhyanāśārthaṃ dhātrī pathyāśinī tathā // (274.2) Par.?

sārivośīramañjiṣṭhāśleṣmātakakucandanaiḥ / (275.1) Par.?

*patrāmbucandanośīraiḥ stanau cāsyāḥ pralepayet // (275.2) Par.?

*snigdhakṣīrā dārumustapāṭhāḥ piṣṭvā sukhāmbunā / (276.1) Par.?

pītvā sasaindhavāḥ kṣipraṃ kṣīraśuddhimavāpnuyāt // (276.2) Par.?

pāyayet picchilakṣīrāṃ śārṅgeṣṭāmabhayāṃ vacām / (277.1) Par.?

mustanāgarapāṭhāśca pītāḥ stanyaviśodhanāḥ // (277.2) Par.?

takrāriṣṭaṃ pibeccāpi yaduktaṃ gudajāpaham / (278.1) Par.?

vidārībilvamadhukaiḥ stanau cāsyāḥ pralepayet // (278.2) Par.?

trāyamāṇāmṛtānimbapaṭolatriphalāśṛtam / (279.1) Par.?

gurukṣīrā pibedāśu stanyadoṣaviśuddhaye // (279.2) Par.?

pibedvā pippalīmūlacavyacitrakanāgaram / (280.1) Par.?

balānāgaraśārṅgeṣṭāmūrvābhirlepayet stanau // (280.2) Par.?

pṛśniparṇī payasyābhyāṃ stanau cāsyāḥ pralepayet / (281.1) Par.?

aṣṭāvete kṣīradoṣā hetulakṣaṇabheṣajaiḥ // (281.2) Par.?

nirdiṣṭāḥ kṣīradoṣotthāstathoktāḥ kecidāmayāḥ / (282.1) Par.?

doṣadūṣyamalāścaiva mahatāṃ vyādhayaśca ye // (282.2) Par.?

ta eva *sarve bālānāṃ mātrā tvalpatarā matā / (283.1) Par.?

nivṛttirvamanādīnāṃ mṛdutvaṃ paratantratām // (283.2) Par.?

vākceṣṭayorasāmarthyaṃ vīkṣya bāleṣu śāstravit / (284.1) Par.?

bheṣajaṃ svalpamātraṃ tu yathāvyādhi prayojayet // (284.2) Par.?

madhurāṇi kaṣāyāṇi kṣīravanti mṛdūni ca / (285.1) Par.?

prayojayedbhiṣagbāle matimānapramādataḥ // (285.2) Par.?

atyarhtasnigdharūkṣoṣṇamamlaṃ kaṭuvipāki ca / (286.1) Par.?

guru cauṣadhapānānnametadbāleṣu garhitam // (286.2) Par.?

samāsāt sarvarogāṇāmetadbāleṣu bheṣajam / (287.1) Par.?

nirdiṣṭaṃ śāstravidvaidyaḥ *pravivicya prayojayet // (287.2) Par.?

bhavanti cātra / (288.1) Par.?

iti sarvavikārāṇāmuktametaccikitsitam / (288.2) Par.?

sthānametaddhi tantrasya rahasyaṃ paramuttamam // (288.3) Par.?

asmin saptadaśādhyāyāḥ kalpāḥ siddhaya eva ca / (289.1) Par.?

nāsādyante 'gniveśasya tantre carakasaṃskṛte // (289.2) Par.?

tānetān kāpilabaliḥ śeṣān dṛḍhabalo 'karot / (290.1) Par.?

tantrasyāsya mahārthasya pūraṇārthaṃ yathātatham // (290.2) Par.?

rogā ye 'pyatra noddiṣṭā bahutvānnāmarūpataḥ / (291.1) Par.?

teṣāmapyetadeva syāddoṣādīn vīkṣya bheṣajam // (291.2) Par.?

doṣadūṣyanidānānāṃ viparītaṃ hitaṃ dhruvam / (292.1) Par.?

uktānuktān gadān sarvān samyagyuktaṃ niyacchati // (292.2) Par.?

deśakālapramāṇānāṃ sātmyāsātmyasya caiva hi / (293.1) Par.?

samyagyogo 'nyathā hyeṣāṃ pathyamapyanyathā bhavet // (293.2) Par.?

āsyādāmāśayasthān hi rogān nastaḥśirogatān / (294.1) Par.?

gudāt pakvāśayasthāṃśca *hantyāśu dattamauṣadham // (294.2) Par.?

śarīrāvayavottheṣu visarpapiḍakādiṣu / (295.1) Par.?

*yathādeśaṃ pradehādi śamanaṃ syādviśeṣataḥ // (295.2) Par.?

*dināturauṣadhavyādhijīrṇaliṅgartvavekṣaṇam / (296.1) Par.?

kālaṃ vidyāddināvekṣaḥ pūrvāhṇe vanamaṃ yathā // (296.2) Par.?

rogyavekṣo yathā prātarviranno balavān pibet / (297.1) Par.?

bheṣajaṃ laghupathyānnairyuktamadyāttu durbalaḥ // (297.2) Par.?

bhaiṣajyakālo bhuktādau madhye paścānmuhurmuhuḥ / (298.1) Par.?

sāmudgaṃ bhaktasaṃyuktaṃ grāsagrāsāntare daśa // (298.2) Par.?

apāne viguṇe pūrvaṃ samāne madhyambhojanam / (299.1) Par.?

*vyāne tu prātaraśitamudāne bhojanottaram // (299.2) Par.?

vāyau prāṇe praduṣṭe tu grāsagrāsāntariṣyate / (300.1) Par.?

śvāsakāsapipāsāsu tvavacāryaṃ muhurmuhuḥ // (300.2) Par.?

sāmudgaṃ hikkine deyaṃ laghunānnena saṃyutam / (301.1) Par.?

saṃbhojyaṃ tvauṣadhaṃ bhojyairvicitrairarucau hitam // (301.2) Par.?

jvare peyāḥ kaṣāyāśca kṣīraṃ sarpirvirecanam / (302.1) Par.?

ṣaḍahe ṣāḍahe deyaṃ kālaṃ vīkṣyāmayasya ca // (302.2) Par.?

kṣudvegamokṣau laghutā viśuddhirjīrṇalakṣaṇam / (303.1) Par.?

tadā bheṣajamādeyaṃ syāddhi doṣavadanyathā // (303.2) Par.?

cayādayaśca doṣāṇāṃ varjyaṃ sevyaṃ ca yatra yat / (304.1) Par.?

rtāvavekṣyaṃ yat karma pūrvaṃ sarvamudāhṛtam // (304.2) Par.?

upakramāṇāṃ karaṇaṃ pratiṣedhe ca kāraṇam / (305.1) Par.?

vyākhyātamabalānāṃ savikalpānāmavekṣaṇe // (305.2) Par.?

muhurmuhuśca rogāṇāmavasthāmāturasya ca / (306.1) Par.?

avekṣamāṇastu bhiṣak cikitsāyāṃ na muhyati // (306.2) Par.?

ityevaṃ ṣaḍvidhaṃ kālamanavekṣya bhiṣagjitam / (307.1) Par.?

prayuktamahitāya syāt sasyasyākālavarṣavat // (307.2) Par.?

vyādhīnāmṛtvahorātravayasāṃ bhojanasya ca / (308.1) Par.?

viśeṣo bhidyate yastu kālāvekṣaḥ sa ucyate // (308.2) Par.?

vasante śleṣmajā rogāḥ śaratkāle tu pittajāḥ / (309.1) Par.?

varṣāsu vātikāścaiva prāyaḥ prādurbhavanti hi // (309.2) Par.?

niśānte divasānte ca varṣānte vātajā gadāḥ / (310.1) Par.?

prātaḥ kṣapādau kaphajāstayormadhye tu pittajāḥ // (310.2) Par.?

vayontamadhyaprathame vātapittakaphāmayāḥ / (311.1) Par.?

balavanto bhavantyeva svabhāvādvayaso nṛṇām // (311.2) Par.?

jīrṇānte vātajā rogā jīryamāṇe tu pittajāḥ / (312.1) Par.?

śleṣmajā bhuktamātre tu labhante prāyaśo balam // (312.2) Par.?

nālpaṃ hantyauṣadhaṃ vyādhiṃ yathāāpo 'lpā mahānalam / (313.1) Par.?

doṣavaccātimātraṃ syātsasyasyātyudakaṃ yathā // (313.2) Par.?

saṃpradhārya balaṃ tasmādāmayasyauṣadhasya ca / (314.1) Par.?

naivātibahu nātyalpaṃ bhaiṣajyamavacārayet // (314.2) Par.?

aucityādyasya yat sātmyaṃ deśasya puruṣasya ca / (315.1) Par.?

apathyamapi naikāntāttattyajaṃllabhate sukham // (315.2) Par.?

vāhlīkāḥ pahlavāścīnāḥ śūlīkā yavanāḥ śakāḥ / (316.1) Par.?

māṃsagodhūmamādhvīkaśastravaiśvānarocitāḥ // (316.2) Par.?

*matsyasātmyāstathā prācyāḥ kṣīrasātmyāśca saindhavāḥ / (317.1) Par.?

*aśmakāvantikānāṃ tu tailāmlaṃ sātmyamucyate // (317.2) Par.?

*kandamūlaphalaṃ sātmyaṃ vidyānmalayavāsinām / (318.1) Par.?

sātmyaṃ dakṣiṇataḥ peyā *manthaścottarapaścime // (318.2) Par.?

madhyadeśe bhavet sātmyaṃ yavagodhūmagorasāḥ / (319.1) Par.?

teṣāṃ tatsātmyayuktāni bhaiṣajānyavacārayet // (319.2) Par.?

sātmyaṃ hyāśu balaṃ dhatte nātidoṣaṃ ca bahvapi / (320.1) Par.?

yogaireva cikitsan hi deśādyajño 'parādhyati // (320.2) Par.?

vayobalaśarīrādibhedā hi bahavo *matāḥ / (321.1) Par.?

tathāntaḥsandhimārgāṇāṃ doṣāṇāṃ gūḍhacāriṇām // (321.2) Par.?

bhavet kadācit kāryāpi viruddhābhimatā kriyā / (322.1) Par.?

pittamantargataṃ *gūḍhaṃ svedasekopanāhanaiḥ // (322.2) Par.?

nīyate bahiruṣṇairhi tathoṣṇaṃ śamayanti te / (323.1) Par.?

bāhyaiśca śītaiḥ sekādyairūṣmāntaryāti pīḍitaḥ // (323.2) Par.?

so 'ntargūḍhaṃ kaphaṃ hanti śītaṃ śītaistathā jayet / (324.1) Par.?

ślakṣṇapiṣṭo ghano lepaścandanasyāpi dāhakṛt // (324.2) Par.?

tvaggatasyoṣmaṇo rodhācchītakṛccānyathāguroḥ / (325.1) Par.?

chardighnī makṣikāviṣṭhā makṣikaiva tu vāmayet // (325.2) Par.?

dravyeṣu svinnajagdheṣu caiva teṣveva vikriyā / (326.1) Par.?

tasmāddoṣauṣadhādīni parīkṣya daśa tattvataḥ // (326.2) Par.?

kuryāccikitsitaṃ prājño na yogaireva kevalam / (327.1) Par.?

nivṛtto 'pi punarvyādhiḥ svalpenāyāti hetunā // (327.2) Par.?

kṣīṇe mārgīkṛte dehe śeṣaḥ sūkṣma ivānalaḥ / (328.1) Par.?

tasmāttamanubadhnīyāt prayogeṇānapāyinā // (328.2) Par.?

siddhyarthaṃ prākprayuktasya siddhasyāpyauṣadhasya tu / (329.1) Par.?

kāṭhinyādūnabhāvādvā doṣo 'ntaḥ kupito mahān // (329.2) Par.?

pathyairmṛdvalpatāṃ nīto mṛdudoṣakaro bhavet / (330.1) Par.?

pathyamapyaśnatastasmādyo vyādhirupajāyate // (330.2) Par.?

jñātvaivaṃ vṛddhimabhyāsamathavā tasya kārayet / (331.1) Par.?

sātatyātsvādvabhāvādvā pathyaṃ dveṣyatvamāgatam // (331.2) Par.?

kalpanāvidhibhistaistaiḥ priyatvaṃ gamayet punaḥ / (332.1) Par.?

manaso 'rthānukūlyāddhi tuṣṭirūrjā rucirbalam // (332.2) Par.?

sukhopabhogatā ca syādvyādheścāto balakṣayaḥ / (333.1) Par.?

laulyāddoṣakṣayādvyādhervaidharmyāccāpi yā ruciḥ // (333.2) Par.?

tāsu pathyopacāraḥ syādyogenādyaṃ vikalpayet / (334.1) Par.?

tatra ślokāḥ / (334.2) Par.?

viṃśatirvyāpado yonernidānaṃ liṅgameva ca // (334.3) Par.?

cikitsā cāpi nirdiṣṭā śiṣyāṇāṃ hitakāmyayā / (335.1) Par.?

śukradoṣāstathā cāṣṭau nidānākṛtibheṣajaiḥ // (335.2) Par.?

klaibyānyuktāni catvāri catvāraḥ pradarāstathā / (336.1) Par.?

teṣāṃ nidānaṃ liṅgaṃ ca bhaiṣajyaṃ caiva kīrtitam // (336.2) Par.?

kṣīradoṣāstathā cāṣṭau hetuliṅgabhiṣagjitaiḥ / (337.1) Par.?

retaso rajasaścaiva kīrtitaṃ śuddhilakṣaṇam // (337.2) Par.?

uktānuktacikitsā ca samyagyogastathaiva ca / (338.1) Par.?

deśādiguṇaśaṃsā ca kālaḥ ṣaḍvidha eva ca // (338.2) Par.?

deśe deśe ca yat sātmyaṃ yathā vaidyo 'parādhyati / (339.1) Par.?

cikitsā cāpi nirdiṣṭā doṣāṇāṃ gūḍhacāriṇām // (339.2) Par.?

yo hi samyaṅna jānāti śāstraṃ śāstrārthameva ca / (340.1) Par.?

na kuryāt sa kriyāṃ citramacakṣuriva citrakṛt // (340.2) Par.?

ityagniveśakṛte tantre carakapratisaṃskṛte 'prāpte dṛḍhabalasaṃpūrite cikitsāsthāne yonivyāpaccikitsitaṃ nāma triṃśo 'dhyāyaḥ // (341.1) Par.?

Duration=1.2850878238678 secs.