Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 12566
  • Click on a sentence to show its analysis
  • Keep the mouse pointer over a lemma to show its meanings.
devasya tvā savituḥ prasave 'śvinor bāhubhyāṃ pūṣṇo hastābhyām ādade / (1.1) Par.?
grāvāsy adhvarakṛd devebhyaḥ / (1.2) Par.?
gabhīram imam adhvaraṃ kṛdhi // (1.3) Par.?
indrāya tvā suṣuttamaṃ madhumantaṃ payasvantam / (2.1) Par.?
indrāya tvābhimātighna indrāya tvā vasumate rudravata indrāya tvādityavate // (2.2) Par.?
agnaye tvā rāyaspoṣade viṣṇave tvā śyenāya tvā somabhṛte viṣṇave tvā // (3.1) Par.?
śvātrāḥ stha vṛtraturo rādhvaṃ gūrtā amṛtasya patnīḥ / (4.1) Par.?
tā devīr devatremaṃ yajñaṃ dhattopahūtāḥ somasya pibata // (4.2) Par.?
yat te soma divi jyotir yat pṛthivyāṃ yad urā antarikṣe tenāsmai yajñapataya uru rāye kṛdhi / (5.1) Par.?
adhi dhātre vocaḥ / (5.2) Par.?
mā bhaiḥ / (5.3) Par.?
mā saṃvikthāḥ / (5.4) Par.?
ūrjaṃ dhatsva / (5.5) Par.?
ūrjam asmāsu dhehi / (5.6) Par.?
dhiṣaṇe īḍite īḍethām / (5.7) Par.?
ūrjaṃ dadhāthām / (5.8) Par.?
ūrjam asmāsu dhattam / (5.9) Par.?
mā vāṃ hiṃsiṣam / (5.10) Par.?
māsmān yuvaṃ hiṃsiṣṭam // (5.11) Par.?
Duration=0.099086046218872 secs.