Texts

Help

Select a text:
Bibliography

Select a chapter:
(no revisions)

Associated topic(s): darśapūrṇamāsa iṣṭi, full-moon sacrifice

Show parallels Show headlines
Use dependency labeler

Chapter id: 17006

Click on a sentence to show its analysis
Keep the mouse pointer over a lemma to show its meanings.

vānaspatyāsi dakṣāya tvety agnihotrahavanīm ādatte / (1.1) Par.?

veṣāya tveti śūrpam // (1.2) Par.?

pratyuṣṭaṃ rakṣaḥ pratyuṣṭā arātaya ity āhavanīye gārhapatye vā pratitapya yajamāna havir nirvapsyāmīty āmantrayate // (2) Par.?

pravasaty agne havir nirvapsyāmīti // (3) Par.?

urv antarikṣam anvihīti śakaṭāyābhipravrajati // (4) Par.?

apareṇa gārhapatyaṃ prāgīṣam udagīṣaṃ vā naddhayugaṃ śakaṭam avasthitaṃ bhavati vrīhimad yavamad vā // (5) Par.?

dhūr asīti dakṣiṇāṃ yugadhuram abhimṛśaty uttarāṃ vā // (6) Par.?

tvaṃ devānām asi sasnitamam ity uttarām īṣām ālabhya japati // (7) Par.?

viṣṇus tvākraṃsteti savye cakre dakṣiṇaṃ pādam atyādhāyāhrutam asi havirdhānam ity ārohati // (8) Par.?

uru vātāyeti parīṇāham apacchādya mitrasya tvā cakṣuṣā prekṣā iti puroḍāśīyān prekṣate // (9) Par.?

nirastaṃ rakṣo nirasto 'ghaśaṃsa iti yad anyat puroḍāśīyebhyas tan nirasyorjāya vaḥ payo mayi dhehīty abhimantrya daśahotāraṃ vyākhyāya śūrpe pavitre nidhāya tasminn agnihotrahavaṇyā havīṃṣi nirvapati tayā vā pavitravatyā // (10) Par.?

vrīhīn yavān vā // (11) Par.?

yacchantāṃ pañceti muṣṭiṃ gṛhītvā sruci muṣṭim opya devasya tvety anudrutyāgnaye juṣṭaṃ nirvapāmīti trir yajuṣā tūṣṇīṃ caturtham // (12) Par.?

Duration=0.050539016723633 secs.