Texts

yatra śūdra upaspṛśet // (1) Par.?

anarhadbhir vā samānapaṅktau // (2) Par.?

bhuñjāneṣu vā yatrānūtthāyocchiṣṭaṃ prayacched ācāmed vā // (3) Par.?

kutsayitvā vā yatrānnaṃ dadyuḥ // (4) Par.?

manuṣyair avaghrātam anyair vāmedhyaiḥ // (5) Par.?

na nāvi bhuñjīta // (6) Par.?

tathā prāsāde // (7) Par.?

kṛtabhūmau tu bhuñjīta // (8) Par.?

anāprīte mṛnmaye bhoktavyam // (9) Par.?

āprītaṃ ced abhidagdhe // (10) Par.?

paryṛṣṭaṃ lauhaṃ prayatam // (11) Par.?

nirlikhitaṃ dārumayam // (12) Par.?

yathāgamaṃ yajñe // (13) Par.?

nāpaṇīyam annam aśnīyāt // (14) Par.?

tathā rasānām amāṃsamadhulavaṇānīti parihāpya // (15) Par.?

tailasarpiṣī tūpayojayed udake 'vadhāya // (16) Par.?

kṛtānnaṃ paryuṣitam akhādyāpeyānādyam // (17) Par.?

śuktaṃ ca // (18) Par.?

phāṇitapṛthukataṇḍulakarambharujasaktuśākamāṃsapiṣṭakṣīravikārauṣadhivanaspatimūlaphalavarjam // (19) Par.?

śuktaṃ cāparayogam // (20) Par.?

sarvaṃ madyam apeyam // (21) Par.?

tathailakaṃ payaḥ // (22) Par.?

uṣṭrīkṣīramṛgīkṣīrasandhinīkṣīrayamasūkṣīrāṇīti // (23) Par.?

dhenoś cānirdaśāyāḥ // (24) Par.?

tathā kīlālauṣadhīnāṃ ca // (25) Par.?

karañjapalaṇḍuparārīkāḥ // (26) Par.?

yac cānyat paricakṣate // (27) Par.?

kyākvabhojyam iti hi brāhmaṇam // (28) Par.?

ekakhuroṣṭragavayagrāmasūkaraśarabhagavām // (29) Par.?

dhenvanaḍuhor bhakṣyam // (30) Par.?

medhyam ānaḍuham iti vājasaneyakam // (31) Par.?

kukkuṭo vikirāṇām // (32) Par.?

plavaḥ pratudām // (33) Par.?

kravyādaḥ // (34) Par.?

haṃsabhāsacakravākasuparṇāś ca // (35) Par.?

kruñcakrauñcavārdhrāṇasalakṣmaṇavarjam // (36) Par.?

pañcanakhānāṃ godhākacchapaśvāviṭśalyakakhaḍgaśaśapūtikhaṣavarjam // (37) Par.?

abhakṣyaś ceṭo matsyānām // (38) Par.?

sarpaśīrṣī mṛduraḥ kravyādo ye cānye vikṛtā yathā manuṣyaśirasaḥ // (39) Par.?