Texts

Help

Select a text:
Bibliography

Select a chapter:
(no revisions)

Associated topic(s): agniṣṭoma

Show parallels Show headlines
Use dependency labeler

Chapter id: 17123

Click on a sentence to show its analysis
Keep the mouse pointer over a lemma to show its meanings.

niśāyām antarvedy āsīnau yajamānaṃ patnīṃ ca vasatīvarībhir abhipariharanti // (1) Par.?

nādīkṣitaṃ vasatīvarībhir abhiparihareyuḥ // (2) Par.?

ādāya kumbhaṃ savye 'ṃse nidhāya dakṣiṇayā dvāropaniṣkramya dakṣiṇaṃ vedyantam anuparītya dakṣiṇasyām uttaravediśroṇyāṃ sādayatīndrāgniyor bhāgadheyī stheti // (3) Par.?

ādāya kumbhaṃ dakṣiṇe 'ṃse nidhāya yathetaṃ pratiparītyottarayā dvāropaniṣkramyottaraṃ vedyantam anuparītyottarasyām uttaravediśroṇyāṃ sādayati mitrāvaruṇayor bhāgadheyī stheti // (4) Par.?

ādāya kumbhaṃ savye 'ṃse nidhāya yathetaṃ pratiparītya pūrvayā dvāropaniṣkramyāgnīdhre sādayati viśveṣāṃ devānāṃ bhāgadheyī stha yajñe jāgṛteti // (5) Par.?

atra etā upavāsayati // (6) Par.?

āhvayati subrahmaṇyaḥ subrahmaṇyaṃ pitāputrīyām // (7) Par.?

tataḥ payāṃsi viśāsti / (8.1) Par.?

yā yajamānasya vratadhuk tasyā āśiraṃ kuruta yā patniyai tasyai dadhigrahāya yā gharmadhuk tasyai dadhigharmāya taptam anātaktaṃ maitrāvaruṇāya śṛtātaṅkyaṃ kurutādityagrahāyeti // (8.2) Par.?

yathācoditaṃ kurvanti // (9) Par.?

atrāmikṣāyāḥ sāyaṃdohaṃ dohayati // (10) Par.?

havirdhāne yajamānaṃ jāgarayanti / (11.1) Par.?

prāgvaṃśe patnīm // (11.2) Par.?

āgnīdhra ṛtvijo vasanti / (12.1) Par.?

na sadasi kaścana vasati // (12.2) Par.?

yajamāna evaitāṃ rātriṃ rājānaṃ gopāyatīti vijñāyate // (13) Par.?

Duration=0.082849025726318 secs.