Texts

lagnopagataiḥ saumyair ārogyaṃ bhavati cittasaukhyaṃ ca / (1.1) Par.?

arthasthair arthacayo yodhavivṛddhis tṛtīyasthaiḥ // (1.2) Par.?

vāhanasuhṛdāṃ vṛddhiś caturthagaiḥ pañcagaiś ca mantribalam / (2.1) Par.?

ripunāśaḥ ṣaṣṭhasthaiḥ bhṛguvarjaṃ saptameṣu hitāḥ // (2.2) Par.?

rakṣanty āyurnidhane śaśivarjaṃ navamabheṣu vasusampat / (3.1) Par.?

karmaṇi siddhir lābho balasampātaś ca daśamādyaiḥ // (3.2) Par.?

bhaumārkārkiśaśāṅkair lagne vadhabandhamaraṇasaṃtrāsāḥ / (4.1) Par.?

arthakṣayo dvitīyais tṛtīyasaṃsthair yaśo dyutimat // (4.2) Par.?

vāhanabandhuviyogo mantrakhāvo ripukṣayaś ceti / (5.1) Par.?

hibukādiṣu saptamagaiḥ svaviṣayanāśo bhṛgusute ca // (5.2) Par.?

mṛtyur nidhanopagataiḥ senāvyasanaṃ mahan navamasaṃsthaiḥ / (6.1) Par.?

kujasūryau daśamasthau jayadau bhaṅgapradaḥ sauriḥ // (6.2) Par.?

jayam ekādaśasaṃsthaiḥ krūrair antyopagaiḥ svabalabhedaḥ / (7.1) Par.?

upacayavarjaṃ saumyair yātuḥ pāpair viparyastam // (7.2) Par.?

krūro 'py anukūlasthaḥ śasto lagne śubho 'pi vāniṣṭaḥ / (8.1) Par.?

vakrī na śubhaḥ kendre tadahas tadvargalagnaṃ ca // (8.2) Par.?

sāmapatī jīvasitau bhedasya tu rāhuketubudhasaurāḥ / (9.1) Par.?

daṇḍasyārkakṣitijābudha pradānasya śītāṃśuḥ // (9.2) Par.?

āṭavikodeśaripumantrimauliśreṇibhṛtakavīryeśāh / (10.1) Par.?

sūryādibhir anukūlais tad udayavargaiś ca tatsiddhiḥ // (10.2) Par.?

nīcasthā grahavijitā ravyabhibhūtā viraśmayo hrasvāḥ / (11.1) Par.?

bhujagā iva mantrahatā bhavanty akāryakṣamā lagne // (11.2) Par.?

yeṣāṃ game navamapañcamakaṇṭakasthāḥ saumyās tṛtīyaripulābhagatāś ca pāpāḥ / (12.1) Par.?

āyānti te svabhavanāni punaḥ kṛtārthāḥ dattā dvijātiṣu tathā vidhivad yathārthāḥ // (12.2) Par.?

ekasminn api kendre yadi saumyo na graho 'sti yātrāyām / (13.1) Par.?

janmany athavā karmaṇi na tac chubhaṃ prāhur ācāryāḥ // (13.2) Par.?

rāhvarkāraśikhisitā yāyina iti śarvarīśa ākrandaḥ / (14.1) Par.?

gurubudhasaurāḥ paurāḥ pauraḥ sūryo 'pi pūrvāhṇe // (14.2) Par.?

yāyibhir anukūlasthair yānaṃ paurair vigṛhya cāsīnam / (15.1) Par.?

pauretarair api śubhair yāyād ardhena sainyasya // (15.2) Par.?

sarvair apy aśubhakaraiḥ śubhadaivaṃ saṃśrayet pradhānanṛpam / (16.1) Par.?

balasiddhiḥ saumyaphalair balibhiḥ krūrair jayo yuddhe // (16.2) Par.?