Texts

pṛthak sāvitrīpādair madhuparkasya pibet // (1) Par.?

tatraitad āharanti viṣṭaraṃ pādaprakṣālanam arghyam ācamanīyaṃ madhuparkam iti // (2) Par.?

tasya pibet // (3) Par.?

idad annam ayaṃ rasa imā gāvaḥ sahaśriyeti tu purastād ekaikasya // (4) Par.?

vāg bahu bahu me bhūyād iti prathamasyopariṣṭāt prāṇo vai vāco bhūyān bahur me bhūyo bhūyād iti dvitīyasya mano vāva sarvaṃ sarvaṃ me bhūyād iti tṛtīyasya // (5) Par.?

sarve svāhākārāntāḥ // (6) Par.?

raso 'si vānaspatyo rasaṃ mayi dhehīti madhumanthasya pibed iti gautamo vānaspatya iti pravacanaṃ // (7) Par.?

tathā dadhimanthodamanthayoḥ payasyo 'payasya iti tu rasādeśaḥ // (8) Par.?

ete naiva pravacane kālindaḥ sārasvata iti vā // (9) Par.?

śeṣaṃ brāhmaṇāya dadyāt // (10) Par.?

tadabhāve 'dbhiḥ saṃprekṣyābrāhmaṇāya // (11) Par.?

kuruteti gavi proktāyāṃ brūyāt // (12) Par.?

utsṛjata gāṃ tṛṇāni gauratviti vā // (13) Par.?

sarveṣāṃ yajñopavītodakācamane nitye karmopayatām // (14) Par.?

avyavāyo 'vyāvṛttiś ca yajñāṅgaiḥ // (15) Par.?

prāṅmukhakaraṇaṃ cānādeśe // (16) Par.?

krīte rājani subrahmaṇya uttareṇa somavahanaṃ gatvāntareṇeṣe śamīśākhāṃ palāśaśākhāṃ vā sapalāśāṃ pāṇau kṛtvāvatiṣṭheta // (17) Par.?

adhvaryusaṃpraiṣaṃ sarvatrākāṅkṣet subrahmaṇyāyām // (18) Par.?

raśmī dhārayañśākhayā preṣyodgāvau dakṣiṇaṃ pūrvam // (19) Par.?

subrahmaṇyom iti trir āhvayet prāci vartamāne // (20) Par.?

ṣaṭkṛtvaḥ pratīci // (21) Par.?

pūrveṇa patnīśālāṃ vimukte chadiṣi śākhām avaguhya tām evaiṣām anūtkramya yathārthaṃ syāt // (22) Par.?

dakṣiṇam anaḍvāhaṃ subrahmaṇyāya dadyāt // (23) Par.?