Texts

astu śrauṣaṭ puro agnīṃ dhiyā dadha ā nu tacchardho divyaṃ vṛṇīmaha indravāyū vṛṇīmahe / (1.1) Par.?

yaddha krāṇā vivasvati nābhā saṃdāyi navyasī / (1.2) Par.?

adha pra sū na upa yantu dhītayo devāṁ acchā na dhītayaḥ // (1.3) Par.?

yaddha tyan mitrāvaruṇāv ṛtād adhy ādadāthe anṛtaṃ svena manyunā dakṣasya svena manyunā / (2.1) Par.?

yuvor itthādhi sadmasv apaśyāma hiraṇyayam / (2.2) Par.?

dhībhiś cana manasā svebhir akṣabhiḥ somasya svebhir akṣabhiḥ // (2.3) Par.?

yuvāṃ stomebhir devayanto aśvināśrāvayanta iva ślokam āyavo yuvāṃ havyābhy āyavaḥ / (3.1) Par.?

yuvor viśvā adhi śriyaḥ pṛkṣaś ca viśvavedasā / (3.2) Par.?

pruṣāyante vām pavayo hiraṇyaye rathe dasrā hiraṇyaye // (3.3) Par.?

aceti dasrā vy u nākam ṛṇvatho yuñjate vāṃ rathayujo diviṣṭiṣv adhvasmāno diviṣṭiṣu / (4.1) Par.?

adhi vāṃ sthāma vandhure rathe dasrā hiraṇyaye / (4.2) Par.?

patheva yantāv anuśāsatā rajo 'ñjasā śāsatā rajaḥ // (4.3) Par.?

śacībhir naḥ śacīvasū divā naktaṃ daśasyatam / (5.1) Par.?

mā vāṃ rātir upa dasat kadā canāsmad rātiḥ kadā cana // (5.2) Par.?

vṛṣann indra vṛṣapāṇāsa indava ime sutā adriṣutāsa udbhidas tubhyaṃ sutāsa udbhidaḥ / (6.1) Par.?

te tvā mandantu dāvane mahe citrāya rādhase / (6.2) Par.?

gīrbhir girvāha stavamāna ā gahi sumṛﾱīko na ā gahi // (6.3) Par.?

o ṣū ṇo agne śṛṇuhi tvam īﾱito devebhyo bravasi yajñiyebhyo rājabhyo yajñiyebhyaḥ / (7.1) Par.?

yaddha tyām aṅgirobhyo dhenuṃ devā adattana / (7.2) Par.?

vi tāṃ duhre aryamā kartarī sacāṃ eṣa tāṃ veda me sacā // (7.3) Par.?

mo ṣu vo asmad abhi tāni pauṃsyā sanā bhūvan dyumnāni mota jāriṣur asmat purota jāriṣuḥ / (8.1) Par.?

yad vaś citraṃ yuge yuge navyaṃ ghoṣād amartyam / (8.2) Par.?

asmāsu tan maruto yac ca duṣṭaraṃ didhṛtā yac ca duṣṭaram // (8.3) Par.?

dadhyaṅ ha me januṣam pūrvo aṅgirāḥ priyamedhaḥ kaṇvo atrir manur vidus te me pūrve manur viduḥ / (9.1) Par.?

teṣāṃ deveṣv āyatir asmākaṃ teṣu nābhayaḥ / (9.2) Par.?

teṣām padena mahy ā name girendrāgnī ā name girā // (9.3) Par.?

hotā yakṣad vanino vanta vāryam bṛhaspatir yajati vena ukṣabhiḥ puruvārebhir ukṣabhiḥ / (10.1) Par.?

jagṛbhmā dūraādiśaṃ ślokam adrer adha tmanā / (10.2) Par.?

adhārayad ararindāni sukratuḥ purū sadmāni sukratuḥ // (10.3) Par.?

ye devāso divy ekādaśa stha pṛthivyām adhy ekādaśa stha / (11.1) Par.?

apsukṣito mahinaikādaśa stha te devāso yajñam imaṃ juṣadhvam // (11.2) Par.?