Texts

Help

Select a text:
Bibliography
Select a chapter:
 (no revisions)
Associated topic(s): Soma

Show parallels  Show headlines
Use dependency labeler
Chapter id: 10695
  • Click on a sentence to show its analysis
  • Keep the mouse pointer over a lemma to show its meanings.
asṛgram indavaḥ pathā dharmann ṛtasya suśriyaḥ / (1.1) Par.?
vidānā asya yojanam // (1.2) Par.?
pra dhārā madhvo agriyo mahīr apo vi gāhate / (2.1) Par.?
havir haviṣṣu vandyaḥ // (2.2) Par.?
pra yujo vāco agriyo vṛṣāva cakradad vane / (3.1) Par.?
sadmābhi satyo adhvaraḥ // (3.2) Par.?
pari yat kāvyā kavir nṛmṇā vasāno arṣati / (4.1) Par.?
svar vājī siṣāsati // (4.2) Par.?
pavamāno abhi spṛdho viśo rājeva sīdati / (5.1) Par.?
yad īm ṛṇvanti vedhasaḥ // (5.2) Par.?
avyo vāre pari priyo harir vaneṣu sīdati / (6.1) Par.?
rebho vanuṣyate matī // (6.2) Par.?
sa vāyum indram aśvinā sākam madena gacchati / (7.1) Par.?
raṇā yo asya dharmabhiḥ // (7.2) Par.?
ā mitrāvaruṇā bhagam madhvaḥ pavanta ūrmayaḥ / (8.1) Par.?
vidānā asya śakmabhiḥ // (8.2) Par.?
asmabhyaṃ rodasī rayim madhvo vājasya sātaye / (9.1) Par.?
śravo vasūni saṃ jitam // (9.2) Par.?
Duration=0.042601108551025 secs.