UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels
Show headlines
Use dependency labeler
Chapter id: 15029
- Click on a sentence to show its analysis
- Keep the mouse pointer over a lemma to show its meanings.
brāhmaṇo 'bhigaraḥ pūrvasyāṃ sadaso dvāri pratyaṅmukha upaviśed vṛṣalo 'pagaro 'parasyāṃ prāṅmukhaḥ // (1)
Par.?
sa brūyān nārātsur ime satriṇa iti // (2)
Par.?
arātsurityabhigaraḥ // (3)
Par.?
dakṣiṇena mārjālīyam aryo 'ntarvedi dakṣiṇāmukhas tiṣṭhet // (4)
Par.?
bahirvedi śūdra udaṅmukhaḥ // (5)
Par.?
aryābhāve yaḥ kaścāryo varṇaḥ // (6)
Par.?
tau śvetaṃ parimaṇḍalaṃ carma vyāyacchetām / (7.1)
Par.?
śūdraḥ pūrvaḥ // (7.2)
Par.?
pūrveṇāgnīdhrīyaṃ brahmacāry antarvedy udaṅmukhas tiṣṭhed bahirvedi puṃścalī dakṣiṇāmukhī // (8)
Par.?
sā brūyād duścaritinn avakīrṇinn iti // (9)
Par.?
dhik tvā jālmi puṃścali grāmasya mārjani puruṣasya puruṣasya śiśnapraṇejanīti brahmacārī // (10)
Par.?
evam ā tṛtīyaṃ vyatyāsam // (11)
Par.?
sarveṣāṃ karmaṇi niṣṭhite tad evābhigaras trir brūyāt // (12)
Par.?
avasṛjya śūdraḥ pradravet // (13)
Par.?
taṃ tenaivāvakṣiṇuyāt // (14)
Par.?
yathābhipretamitarāṃ brahmacāryākrośet // (15)
Par.?
paścimenāgnīdhrīyaṃ bahirvedi pariśrite mithunau saṃbhavetāṃ yau varṇau labheran // (16)
Par.?
gṛhapater dāsyo 'bhīṣṭā vā navān udaharaṇān pūrayitvā pradakṣiṇaṃ mārjālīyaṃ parīyur hai mahā3 idaṃ madhvidaṃ madhviti vadatyaḥ // (17)
Par.?
pañcāvarārdhyāḥ pañcaśataṃ parārdhyāḥ pañcaviṃśatir vā // (18)
Par.?
tābhyo'pi vīṇā vādayeyuḥ // (19)
Par.?
sarvāsu sraktiṣu dundubhīn ābadhnīyuḥ // (20)
Par.?
uttarottari vāco vyāhārayeyur yāvatīr adhigaccheyuḥ // (21)
Par.?
hiṃkāram anv abhigaraprabhṛtayaḥ kṛtvā yathārthaṃ syuḥ // (23)
Par.?
ā stotrāntāt kumbhinyaḥ sarve ca ghoṣāḥ // (24)
Par.?
Duration=0.045521974563599 secs.