UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Associated topic(s):
Yoga
Show parallels
Show headlines
Use dependency labeler
Chapter id: 7218
- Click on a sentence to show its analysis
- Keep the mouse pointer over a lemma to show its meanings.
indriyapraṇālikayā cittasya bāhyavastūparāgāt tadviṣayā sāmānyaviśeṣātmano 'rthasya viśeṣāvadhāraṇapradhānā vṛttiḥ pratyakṣaṃ pramāṇam // (1.1)
Par.?
phalaṃ tadaviśiṣṭaḥ pauruṣeyaścittavṛttibodhaḥ // (2.1)
Par.?
buddheḥ pratisaṃvedī puruṣa ityupariṣṭād upapādayiṣyāmaḥ // (3.1)
Par.?
anumeyasya tulyajātīyeṣv anuvṛtto bhinnajātīyebhyo vyāvṛttaḥ saṃbandho yaḥ tadviṣayā sāmānyāvadhāraṇapradhānā vṛttiḥ anumānam // (4.1)
Par.?
yathā deśāntaraprāpter gatimaccandratārakaṃ caitravat // (5.1)
Par.?
vindhyaścāprāpter agatiḥ // (6.1)
Par.?
āptena dṛṣṭo 'numito vārthaḥ paratra svabodhasaṃkrāntaye śabdenopadiśyate śabdāt tadarthaviṣayā vṛttiḥ śrotur āgamaḥ // (7.1)
Par.?
yasyāśraddheyārtho vaktā na dṛṣṭānumitārthaḥ sa āgamaḥ plavate mūlavaktari tu dṛṣṭānumitārthe nirviplavaḥ syāt // (8.1)
Par.?
Duration=0.039057016372681 secs.