UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 3506
- Click on a sentence to show its analysis
- Keep the mouse pointer over a lemma to show its meanings.
sa tu kṛtvā suvelasya matim ārohaṇaṃ prati / (1.1)
Par.?
lakṣmaṇānugato rāmaḥ sugrīvam idam abravīt // (1.2)
Par.?
vibhīṣaṇaṃ ca dharmajñam anuraktaṃ niśācaram / (2.1)
Par.?
mantrajñaṃ ca vidhijñaṃ ca ślakṣṇayā parayā girā // (2.2)
Par.?
suvelaṃ sādhu śailendram imaṃ dhātuśataiścitam / (3.1)
Par.?
adhyārohāmahe sarve vatsyāmo 'tra niśām imām // (3.2)
Par.?
laṅkāṃ cālokayiṣyāmo nilayaṃ tasya rakṣasaḥ / (4.1)
Par.?
yena me maraṇāntāya hṛtā bhāryā durātmanā // (4.2)
Par.?
yena dharmo na vijñāto na vṛttaṃ na kulaṃ tathā / (5.1)
Par.?
rākṣasyā nīcayā buddhyā yena tad garhitaṃ kṛtam // (5.2)
Par.?
yasminme vardhate roṣaḥ kīrtite rākṣasādhame / (6.1)
Par.?
yasyāparādhānnīcasya vadhaṃ drakṣyāmi rakṣasām // (6.2)
Par.?
eko hi kurute pāpaṃ kālapāśavaśaṃ gataḥ / (7.1) Par.?
nīcenātmāpacāreṇa kulaṃ tena vinaśyati // (7.2)
Par.?
evaṃ saṃmantrayann eva sakrodho rāvaṇaṃ prati / (8.1)
Par.?
rāmaḥ suvelaṃ vāsāya citrasānum upāruhat // (8.2)
Par.?
pṛṣṭhato lakṣmaṇaścainam anvagacchat samāhitaḥ / (9.1)
Par.?
saśaraṃ cāpam udyamya sumahad vikrame rataḥ // (9.2)
Par.?
tam anvarohat sugrīvaḥ sāmātyaḥ savibhīṣaṇaḥ / (10.1)
Par.?
hanūmān aṅgado nīlo maindo dvivida eva ca // (10.2)
Par.?
gajo gavākṣo gavayaḥ śarabho gandhamādanaḥ / (11.1)
Par.?
panasaḥ kumudaścaiva haro rambhaśca yūthapaḥ // (11.2)
Par.?
ete cānye ca bahavo vānarāḥ śīghragāminaḥ / (12.1)
Par.?
te vāyuvegapravaṇāstaṃ giriṃ giricāriṇaḥ / (12.2)
Par.?
adhyārohanta śataśaḥ suvelaṃ yatra rāghavaḥ // (12.3)
Par.?
te tvadīrgheṇa kālena girim āruhya sarvataḥ / (13.1)
Par.?
dadṛśuḥ śikhare tasya viṣaktām iva khe purīm // (13.2)
Par.?
tāṃ śubhāṃ pravaradvārāṃ prākāravaraśobhitām / (14.1)
Par.?
laṅkāṃ rākṣasasampūrṇāṃ dadṛśur hariyūthapāḥ // (14.2)
Par.?
prākāracayasaṃsthaiśca tathā nīlair niśācaraiḥ / (15.1)
Par.?
dadṛśuste hariśreṣṭhāḥ prākāram aparaṃ kṛtam // (15.2)
Par.?
te dṛṣṭvā vānarāḥ sarve rākṣasān yuddhakāṅkṣiṇaḥ / (16.1)
Par.?
mumucur vipulānnādāṃstatra rāmasya paśyataḥ // (16.2)
Par.?
tato 'stam agamat sūryaḥ saṃdhyayā pratirañjitaḥ / (17.1)
Par.?
pūrṇacandrapradīpā ca kṣapā samabhivartate // (17.2)
Par.?
tataḥ sa rāmo harivāhinīpatir vibhīṣaṇena pratinandya satkṛtaḥ / (18.1)
Par.?
salakṣmaṇo yūthapayūthasaṃvṛtaḥ suvelapṛṣṭhe nyavasad yathāsukham // (18.2)
Par.?
Duration=0.080767154693604 secs.