Texts

sūta uvāca / (1.1) Par.?

gopālapūjāṃ vakṣyāmi bhuktimuktipradāyinīm / (1.2) Par.?

dvāre dhātā vidhātā ca gaṅgāyamunayā saha // (1.3) Par.?

śaṅkhapadmanidhī caiva sāraṅgaḥ śarabhaḥ śriyā / (2.1) Par.?

pūrve bhadraḥ subhadro dvau dakṣe caṇḍapracaṇḍakau // (2.2) Par.?

paścime balaprabalau jayaśca vijayo yajet / (3.1) Par.?

uttare śrīścaturdvāre gaṇo durgā sarasvatī // (3.2) Par.?

kṣetrasyāgnyādikoṇeṣu dikṣu nāradapūrvakam / (4.1) Par.?

siddho gururnalakūbaraṃ koṇe bhagavataṃ yajet // (4.2) Par.?

pūrve viṣṇuṃ viṣṇutapo viṣṇuśaktiṃ samarcayet / (5.1) Par.?

tato viṣṇuparīvāraṃ madhye śaktiṃ ca kūrmakam // (5.2) Par.?

anantaṃ pṛthivīṃ dharmaṃ jñānaṃ vairāgyamagnitaḥ / (6.1) Par.?

aiśvaryaṃ vāyupūrvaṃ ca prakāśātmānamuttare // (6.2) Par.?

sattvāya prakṛtātmane rajase moharūpiṇe / (7.1) Par.?

tamase kandapadmāya yajet kaṃ kākatattvakam // (7.2) Par.?

vidyātattvaṃ paraṃ tattvaṃ sūryenduvahnimaṇḍalam / (8.1) Par.?

vimalādyā āsanaṃ ca prācyāṃ śrīṃ hrīṃ prapūjayet // (8.2) Par.?

gopījanavallabhāya svāhānto manurucyate / (9.1) Par.?

aṅgāni yathā cakraṃ ca sucakraṃ ca vicakraṃ ca tathaica // (9.2) Par.?

trailokyarakṣakaṃ cakram asurārisudarśanam / (10.1) Par.?

hṛdādipūrvakoṇeṣu astraṃ śaktiṃ ca pūrvataḥ // (10.2) Par.?

rukmiṇī satyabhāmā ca sunandā nāgnajityapi / (11.1) Par.?

lakṣmaṇā mitravindā ca jāmbavatyā suśīlayā // (11.2) Par.?

śaṅkhacakragadāpadmaṃ musalaṃ śārṅgamarcayet / (12.1) Par.?

khaḍgaṃ pāśāṅkuśaṃ prācyāṃ śrīvatsaṃ kaustubhaṃ yajet // (12.2) Par.?

mukuṭaṃ valamālāṃ ca aindrādyāndhvajamukhyakān / (13.1) Par.?

kumudādyānviṣvaksenaṃ śriyā kṛṣṇaṃ sahārcayet / (13.2) Par.?

japyāddhyānātpūjanācca sarvānkāmān avāpnuyāt / (13.3) Par.?

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe śrīgopālapūjānirūpaṇaṃ nāmāṣṭāviṃśo 'dhyāyaḥ // (13.4) Par.?