UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Associated topic(s):
Agni
Show parallels
Show headlines
Use dependency labeler
Chapter id: 10086
- Click on a sentence to show its analysis
- Keep the mouse pointer over a lemma to show its meanings.
upa pra jinvann uśatīr uśantam patiṃ na nityaṃ janayaḥ sanīḍāḥ / (1.1)
Par.?
svasāraḥ śyāvīm aruṣīm ajuṣrañ citram ucchantīm uṣasaṃ na gāvaḥ // (1.2)
Par.?
vīḍu cid dṛḍhā pitaro na ukthair adriṃ rujann aṅgiraso raveṇa / (2.1)
Par.?
cakrur divo bṛhato gātum asme ahaḥ svar vividuḥ ketum usrāḥ // (2.2) Par.?
dadhann ṛtaṃ dhanayann asya dhītim ād id aryo didhiṣvo vibhṛtrāḥ / (3.1)
Par.?
atṛṣyantīr apaso yanty acchā devāñ janma prayasā vardhayantīḥ // (3.2)
Par.?
mathīd yad īṃ vibhṛto mātariśvā gṛhe gṛhe śyeto jenyo bhūt / (4.1)
Par.?
ād īṃ rājñe na sahīyase sacā sann ā dūtyam bhṛgavāṇo vivāya // (4.2)
Par.?
mahe yat pitra īṃ rasaṃ dive kar ava tsarat pṛśanyaś cikitvān / (5.1)
Par.?
sṛjad astā dhṛṣatā didyum asmai svāyāṃ devo duhitari tviṣiṃ dhāt // (5.2)
Par.?
sva ā yas tubhyaṃ dama ā vibhāti namo vā dāśād uśato anu dyūn / (6.1)
Par.?
vardho agne vayo asya dvibarhā yāsad rāyā sarathaṃ yaṃ junāsi // (6.2)
Par.?
agniṃ viśvā abhi pṛkṣaḥ sacante samudraṃ na sravataḥ sapta yahvīḥ / (7.1)
Par.?
na jāmibhir vi cikite vayo no vidā deveṣu pramatiṃ cikitvān // (7.2)
Par.?
ā yad iṣe nṛpatiṃ teja ānaṭ chuci reto niṣiktaṃ dyaur abhīke / (8.1)
Par.?
agniḥ śardham anavadyaṃ yuvānaṃ svādhyaṃ janayat sūdayac ca // (8.2)
Par.?
mano na yo 'dhvanaḥ sadya ety ekaḥ satrā sūro vasva īśe / (9.1)
Par.?
rājānā mitrāvaruṇā supāṇī goṣu priyam amṛtaṃ rakṣamāṇā // (9.2)
Par.?
mā no agne sakhyā pitryāṇi pra marṣiṣṭhā abhi viduṣ kaviḥ san / (10.1)
Par.?
nabho na rūpaṃ jarimā mināti purā tasyā abhiśaster adhīhi // (10.2)
Par.?
Duration=0.049088001251221 secs.