UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Associated topic(s):
Indra
Show parallels
Show headlines
Use dependency labeler
Chapter id: 10612
- Click on a sentence to show its analysis
- Keep the mouse pointer over a lemma to show its meanings.
yaddha syā ta indra śruṣṭir asti yayā babhūtha jaritṛbhya ūtī / (1.1)
Par.?
mā naḥ kāmam mahayantam ā dhag viśvā te aśyām pary
āpa āyoḥ // (1.2)
Par.?
na ghā rājendra ā dabhan no yā nu svasārā kṛṇavanta yonau / (2.1)
Par.?
āpaś cid asmai sutukā aveṣan gaman na indraḥ sakhyā vayaś ca // (2.2)
Par.?
jetā nṛbhir indraḥ pṛtsu śūraḥ śrotā havaṃ nādhamānasya kāroḥ / (3.1)
Par.?
prabhartā rathaṃ dāśuṣa upāka udyantā giro yadi ca tmanā bhūt // (3.2)
Par.?
evā nṛbhir indraḥ suśravasyā prakhādaḥ pṛkṣo abhi mitriṇo bhūt / (4.1)
Par.?
samarya iṣa stavate vivāci satrākaro yajamānasya śaṃsaḥ // (4.2) Par.?
tvayā vayam maghavann indra śatrūn abhi ṣyāma mahato manyamānān / (5.1)
Par.?
tvaṃ trātā tvam u no vṛdhe bhūr vidyāmeṣaṃ vṛjanaṃ jīradānum // (5.2)
Par.?
Duration=0.027529954910278 secs.