UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Associated topic(s):
Indra
Show parallels
Show headlines
Use dependency labeler
Chapter id: 10074
- Click on a sentence to show its analysis
- Keep the mouse pointer over a lemma to show its meanings.
apāyy asyāndhaso madāya manīṣiṇaḥ suvānasya prayasaḥ / (1.1)
Par.?
yasminn indraḥ pradivi vāvṛdhāna oko dadhe brahmaṇyantaś ca naraḥ // (1.2)
Par.?
asya mandāno madhvo vajrahasto 'him indro arṇovṛtaṃ vi vṛścat / (2.1)
Par.?
pra yad vayo na svasarāṇy acchā prayāṃsi ca nadīnāṃ cakramanta // (2.2)
Par.?
sa māhina indro arṇo apām prairayad ahihācchā samudram / (3.1)
Par.?
ajanayat sūryaṃ vidad gā aktunāhnāṃ vayunāni sādhat // (3.2)
Par.?
so apratīni manave purūṇīndro dāśad dāśuṣe hanti vṛtram / (4.1) Par.?
sadyo yo nṛbhyo atasāyyo bhūt paspṛdhānebhyaḥ sūryasya sātau // (4.2)
Par.?
sa sunvata indraḥ sūryam ā devo riṇaṅ martyāya stavān / (5.1)
Par.?
ā yad rayiṃ guhadavadyam asmai bharad aṃśaṃ naitaśo daśasyan // (5.2)
Par.?
sa randhayat sadivaḥ sārathaye śuṣṇam aśuṣaṃ kuyavaṃ kutsāya / (6.1)
Par.?
divodāsāya navatiṃ ca navendraḥ puro vy airacchambarasya // (6.2)
Par.?
evā ta indrocatham ahema śravasyā na tmanā vājayantaḥ / (7.1)
Par.?
aśyāma tat sāptam āśuṣāṇā nanamo vadhar adevasya pīyoḥ // (7.2)
Par.?
evā te gṛtsamadāḥ śūra manmāvasyavo na vayunāni takṣuḥ / (8.1)
Par.?
brahmaṇyanta indra te navīya iṣam ūrjaṃ sukṣitiṃ sumnam aśyuḥ // (8.2)
Par.?
nūnaṃ sā te prati varaṃ jaritre duhīyad indra dakṣiṇā maghonī / (9.1)
Par.?
śikṣā stotṛbhyo māti dhag bhago no bṛhad vadema vidathe suvīrāḥ // (9.2)
Par.?
Duration=0.031468152999878 secs.