Texts

Select a text:
Bibliography

Select a chapter:
(no revisions)

Associated topic(s): Soma

Show parallels Show headlines
Use dependency labeler

Chapter id: 11078

pro sya vahniḥ pathyābhir asyān divo na vṛṣṭiḥ pavamāno akṣāḥ / (1.1) Par.?

sahasradhāro asadan ny asme mātur upasthe vana ā ca somaḥ // (1.2) Par.?

rājā sindhūnām avasiṣṭa vāsa ṛtasya nāvam āruhad rajiṣṭhām / (2.1) Par.?

apsu drapso vāvṛdhe śyenajūto duha īm pitā duha īm pitur jām // (2.2) Par.?

siṃhaṃ nasanta madhvo ayāsaṃ harim aruṣaṃ divo asya patim / (3.1) Par.?

śūro yutsu prathamaḥ pṛcchate gā asya cakṣasā pari pāty ukṣā // (3.2) Par.?

madhupṛṣṭhaṃ ghoram ayāsam aśvaṃ rathe yuñjanty urucakra ṛṣvam / (4.1) Par.?

svasāra īṃ jāmayo marjayanti sanābhayo vājinam ūrjayanti // (4.2) Par.?

catasra īṃ ghṛtaduhaḥ sacante samāne antar dharuṇe niṣattāḥ / (5.1) Par.?

tā īm arṣanti namasā punānās tā īṃ viśvataḥ pari ṣanti pūrvīḥ // (5.2) Par.?

viṣṭambho divo dharuṇaḥ pṛthivyā viśvā uta kṣitayo haste asya / (6.1) Par.?

asat ta utso gṛṇate niyutvān madhvo aṃśuḥ pavata indriyāya // (6.2) Par.?

vanvann avāto abhi devavītim indrāya soma vṛtrahā pavasva / (7.1) Par.?

śagdhi mahaḥ puruścandrasya rāyaḥ suvīryasya patayaḥ syāma // (7.2) Par.?

Duration=0.029605150222778 secs.