UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels
Show headlines
Use dependency labeler
Chapter id: 9872
- Click on a sentence to show its analysis
- Keep the mouse pointer over a lemma to show its meanings.
Devāpi
bṛhaspate prati me devatām ihi mitro vā yad varuṇo vāsi pūṣā / (1.1)
Par.?
ādityair vā yad vasubhir marutvān sa parjanyaṃ śantanave vṛṣāya // (1.2)
Par.?
Bṛhaspati
ā devo dūto ajiraś cikitvān tvad devāpe abhi mām agacchat / (2.1)
Par.?
pratīcīnaḥ prati mām ā vavṛtsva dadhāmi te dyumatīṃ vācam āsan // (2.2)
Par.?
Devāpi
asme dhehi dyumatīṃ vācam āsan bṛhaspate anamīvām iṣirām / (3.1)
Par.?
yayā vṛṣṭiṃ śantanave vanāva divo drapso madhumāṁ ā viveśa // (3.2)
Par.?
Śaṃtanu (?)
ā no drapsā madhumanto viśantv indra dehy adhirathaṃ sahasram / (4.1)
Par.?
ni ṣīda hotram ṛtuthā yajasva devān devāpe haviṣā saparya // (4.2)
Par.?
ārṣṭiṣeṇo hotram ṛṣir niṣīdan devāpir devasumatiṃ cikitvān / (5.1)
Par.?
sa uttarasmād adharaṃ samudram apo divyā asṛjad varṣyā abhi // (5.2)
Par.?
asmin samudre adhy uttarasminn āpo devebhir nivṛtā atiṣṭhan / (6.1)
Par.?
tā adravann ārṣṭiṣeṇena sṛṣṭā devāpinā preṣitā mṛkṣiṇīṣu // (6.2)
Par.?
yad devāpiḥ śantanave purohito hotrāya vṛtaḥ kṛpayann adīdhet / (7.1)
Par.?
devaśrutaṃ vṛṣṭivaniṃ rarāṇo bṛhaspatir vācam asmā ayacchat // (7.2)
Par.?
yaṃ tvā devāpiḥ śuśucāno agna ārṣṭiṣeṇo manuṣyaḥ samīdhe / (8.1)
Par.?
viśvebhir devair anumadyamānaḥ pra parjanyam īrayā vṛṣṭimantam // (8.2)
Par.?
tvām pūrva ṛṣayo gīrbhir āyan tvām adhvareṣu puruhūta viśve / (9.1)
Par.?
sahasrāṇy adhirathāny asme ā no yajñaṃ rohidaśvopa yāhi // (9.2)
Par.?
etāny agne navatir nava tve āhutāny adhirathā sahasrā / (10.1)
Par.?
tebhir vardhasva tanvaḥ śūra pūrvīr divo no vṛṣṭim iṣito rirīhi // (10.2)
Par.?
etāny agne navatiṃ sahasrā sam pra yaccha vṛṣṇa indrāya bhāgam / (11.1) Par.?
vidvān patha ṛtuśo devayānān apy aulānaṃ divi deveṣu dhehi // (11.2)
Par.?
agne bādhasva vi mṛdho vi durgahāpāmīvām apa rakṣāṃsi sedha / (12.1)
Par.?
asmāt samudrād bṛhato divo no 'pām bhūmānam upa naḥ sṛjeha // (12.2)
Par.?
Duration=0.048051118850708 secs.