Texts

Help

Select a text:
Bibliography
Select a chapter:
 (no revisions)
Associated topic(s): Bhṛgu

Show parallels  Show headlines
Use dependency labeler
Chapter id: 12784
  • Click on a sentence to show its analysis
  • Keep the mouse pointer over a lemma to show its meanings.
69 parallel or similar passage(s) in this chapter
bhṛgur ha vāruṇir anūcāna āsa // (1.0) Par.?
sa hāty eva pitaraṃ mene 'ti devān aty anyān brāhmaṇān anūcānān // (2.0) Par.?
sa ha varuṇa īkṣāṃcakre na vai me putraḥ kiṃcana prajānāti hantainaṃ prajñāpayānīti // (3.0) Par.?
tasya ha prāṇān abhijagrāha // (4.0) Par.?
sa ha tatāma // (5.0) Par.?
sa ha tāntaḥ paraṃ lokaṃ jagāma // (6.0) Par.?
sa hāmuṣmin loka ājagāma // (7.0) Par.?
puruṣa eva puruṣaṃ saṃvṛścyāthainaṃ jaghāsa // (8.0) Par.?
sa hovācābhūd batedaṃ kiṃ svid idam iti // (9.0) Par.?
taṃ hocuḥ pitaraṃ varuṇaṃ pṛcchāsi sa ta idaṃ pravakteti // (10.0) Par.?
dvitīyaṃ hājagāma // (11.0) Par.?
puruṣa eva puruṣam ākrandayantaṃ jaghāsa // (12.0) Par.?
sa hovācābhūd batedaṃ kiṃ svid idam iti // (13.0) Par.?
taṃ hocuḥ pitaraṃ varuṇaṃ pṛcchāsi sa ta idaṃ pravakteti // (14.0) Par.?
tṛtīyaṃ hājagāma // (15.0) Par.?
puruṣa eva puruṣaṃ tūṣṇīm avyāharantaṃ jaghāsa // (16.0) Par.?
sa hovācābhūd batedaṃ kiṃ svid idam iti // (17.0) Par.?
taṃ hocuḥ pitaraṃ varuṇaṃ pṛcchāsi sa ta idaṃ pravakteti // (18.0) Par.?
caturthaṃ hājagāma // (19.0) Par.?
dve striyau mahad vittaṃ jugupatuḥ // (20.0) Par.?
sa hovācābhūd batedaṃ kiṃ svid idam iti // (21.0) Par.?
taṃ hocuḥ pitaraṃ varuṇaṃ pṛcchāsi sa ta idaṃ pravakteti // (22.0) Par.?
pañcamaṃ hājagāma // (23.0) Par.?
lohitakulyāṃ ca ghṛtakulyāṃ ca prabāhuk syandamāne // (24.0) Par.?
sā yā lohitakulyāsa tāṃ kṛṣṇo nagnaḥ puruṣo musalī jugopa // (25.0) Par.?
atha yā ghṛtakulyā tasyai hiraṇmayāḥ puruṣā hiraṇmayaiś camasaiḥ sarvān kāmān udācire // (26.0) Par.?
sa hovācābhūd batedaṃ kiṃ svid idam iti // (27.0) Par.?
taṃ hocuḥ pitaraṃ varuṇaṃ pṛcchāsi sa ta idaṃ pravakteti // (28.0) Par.?
ṣaṣṭhaṃ hājagāma // (29.0) Par.?
pañca nadīḥ puṣkariṇīḥ puṇḍarīkiṇīr madhūdakāḥ syandamānāḥ // (30.0) Par.?
tāsu nṛttagītaṃ vīṇāghoṣo 'psarasāṃ gaṇāḥ surabhir gandho mahān ghoṣo babhūva // (31.0) Par.?
sa hovācābhūd batedaṃ kiṃ svid idam iti // (32.0) Par.?
taṃ hocuḥ pitaraṃ varuṇaṃ pṛcchāsi sa ta idaṃ pravakteti // (33.0) Par.?
Duration=0.069624900817871 secs.