UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels
Show headlines
Use dependency labeler
Chapter id: 14328
- Click on a sentence to show its analysis
- Keep the mouse pointer over a lemma to show its meanings.
imaṃ badhnāmi te maṇiṃ dīrghāyutvāya tejase / (1.1)
Par.?
darbhaṃ sapatnajambhanaṃ dviṣatas tapanaṃ hṛdaḥ // (1.2) Par.?
dviṣatas tāpayan hṛdaḥ śatrūṇāṃ tāpayan manaḥ / (2.1)
Par.?
durhārdaḥ sarvāṃs tvaṃ darbha gharma ivābhīt saṃ tāpaya // (2.2)
Par.?
gharma ivābhitapan darbha dviṣato nitapan maṇe / (3.1)
Par.?
hṛdaḥ sapatnānāṃ bhinddhīndra iva virujan valam // (3.2)
Par.?
bhinddhi darbha sapatnānāṃ hṛdayaṃ dviṣatāṃ maṇe / (4.1)
Par.?
udyan tvacam iva bhūmyāḥ śira eṣāṃ vi pātaya // (4.2)
Par.?
bhinddhi darbha sapatnān me bhinddhi me pṛtanāyataḥ / (5.1)
Par.?
bhinddhi me sarvān durhārdo bhinddhi me dviṣato maṇe // (5.2)
Par.?
chinddhi darbha sapatnān me chinddhi me pṛtanāyataḥ / (6.1)
Par.?
chinddhi me sarvān durhārdaḥ chinddhi me dviṣato maṇe // (6.2)
Par.?
vṛśca darbha sapatnān me vṛśca me pṛtanāyataḥ / (7.1)
Par.?
vṛśca me sarvān durhārdo vṛśca me dviṣato maṇe // (7.2)
Par.?
kṛnta darbha sapatnān me kṛnta me pṛtanāyataḥ / (8.1)
Par.?
kṛnta me sarvān durhārdaḥ kṛnta me dviṣato maṇe // (8.2)
Par.?
piṃśa darbha sapatnān me piṃśa me pṛtanāyataḥ / (9.1)
Par.?
piṃśa me sarvān durhārdaḥ piṃśa me dviṣato maṇe // (9.2)
Par.?
vidhya darbha sapatnān me vidhya me pṛtanāyataḥ / (10.1)
Par.?
vidhya me sarvān durhārdo vidhya me dviṣato maṇe // (10.2)
Par.?
Duration=0.036417961120605 secs.